ബംഗളൂരു: ച​ല​ച്ചി​ത്ര​ങ്ങ​ളു​ടെ ആ​കാ​ശഗം​ഗ​യി​ൽ അ​ത്ര തി​ള​ങ്ങാ​തെ വ​ട്ടംക​റ​ങ്ങി​യി​രു​ന്ന ഒ​ന്നാ​യി​രു​ന്നു സാ​ൻ​ഡ​ൽവു​ഡ്. ഒ​രു കാ​ല​ത്ത് ക​ന്ന​ഡ സി​നി​മ​ക​ളെ ശ​രാ​ശ​രി നി​ല​വാ​ര​ത്തി​ൽ പോ​ലും നി​രൂ​പ​ക​ർ വി​ല​യി​രു​ത്തി​യി​രു​ന്നി​ല്ല. എ​ന്നാ​ൽ നി​ല​വി​ൽ കാ​ര്യ​ങ്ങ​ൾ അ​ങ്ങ​നെ​യ​ല്ല. കെ​ജി​എ​ഫും കാ​ന്താ​ര​യും ബോ​ക്സ് ഓ​ഫീ​സു​ക​ൾ കീ​ഴ​ട​ക്കി​യ​പ്പോ​ൾ ക​ന്ന​ഡ സി​നി​മ ഇ​ൻ​ഡ​സ്ട്രി "പാ​ൻ ഇ​ന്ത്യ​നാ​യി’ മാ​റി.

നാ​ടോ​ടി​ക്ക​ഥ​യി​ൽ ദൈ​വി​ക​മാ​യൊ​രു സ്പ​ർ​ശം കൂ​ട്ടി​യി​ണ​ക്കി പ​ക​യും പ്ര​തി​കാ​ര​വും പ്ര​ണ​യ​വും ചാ​ലി​ച്ച കാ​ന്താ​രയെ സാ​ക്ഷാ​ൽ ര​ജ​നി​കാ​ന്ത് പോ​ലും വാ​നോ​ളം പു​ക​ഴ്ത്തി. ക​ന്ന​ഡ ഇ​ൻ​ഡ​സ്ട്രി​യി​ൽ ഒ​രു ന​വ​യു​ഗ സി​നി​മാ വി​പ്ല​വം കൊ​ണ്ടു​വ​ന്ന​വ​രി​ൽ പ്ര​ധാ​നി​യാ​യ ഋ​ഷ​ഭ് ഷെ​ട്ടി​യാ​യി​രു​ന്നു ചി​ത്ര​ത്തി​ന് പി​ന്നി​ൽ. അ​ദ്ദേ​ഹം തി​ര​ക്ക​ഥ​യെ​ഴു​തി സം​വി​ധാ​നം​ചെ​യ്ത ചി​ത്ര​ത്തി​ൽ നാ​യ​ക​നും ഋ​ഷ​ഭാ​യി​രു​ന്നു.

ക​ർ​ണാ​ട​ക​യി​ലെ ഉ​ഡു​പ്പി ജി​ല്ല​യി​ലെ കു​ന്ദാ​പു​ര താ​ലൂ​ക്കി​ലെ കേ​രാ​ഡി ഗ്രാ​മ​ത്തി​ലാ​ണ് ഋ​ഷ​ഭ് ജ​നി​ച്ച​ത്. പ്ര​ശാ​ന്ത് ഷെ​ട്ടി എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ യ​ഥാ​ർ​ഥ പേ​ര്. കു​ന്ദാ​പു​ര​യി​ൽ പ്രാ​ഥ​മി​ക വി​ദ്യാ​ഭ്യാ​സം പൂ​ർ​ത്തി​യാ​ക്കി​യ അ​ദ്ദേ​ഹം പി​ന്നീ​ട് വി​ജ​യ കോ​ള​ജി​ൽ ബി​കോ​മി​ന് ചേ​ർ​ന്നു.

ത​ന്‍റെ നാ​ട്ടി​ൽ യ​ക്ഷ​ഗാ​ന നാ​ട​ക​ങ്ങ​ൾ ചെ​യ്തു​കൊ​ണ്ടാ​ണ് അ​ദ്ദേ​ഹം ക​ലാ​ജീ​വി​തം ആ​രം​ഭി​ച്ച​ത്. പി​ന്നീ​ട് പ്ര​ഫ​ഷ​ണ​ൽ നാ​ട​ക​ങ്ങ​ളി​ലും സ​ജീ​വ​മാ​യി. ശേ​ഷം ലൈ​റ്റ് ബോ​യ്, സ്പോ​ട്ട് ബോ​യ്, അ​സി​സ്റ്റ​ന്‍റ് എ​ന്നീ നി​ല​ക​ളി​ൽ സി​നി​മ​യി​ൽ ത​ന്‍റെ ക​രി​യ​ർ ആ​രം​ഭി​ച്ചു.

എ​ന്നാ​ൽ ന​ട​നും എ​ഴു​ത്തു​കാ​ര​നും സം​വി​ധാ​യ​ക​നു​മാ​യ ര​ക്ഷി​ത് ഷെ​ട്ടി​യെ ക​ണ്ടു​മു​ട്ടി​യ​താ​യി​രു​ന്നു അ​ദ്ദേ​ഹ​ത്തി​ന്‍റെ സി​നി​മാ ജീ​വി​ത​ത്തി​ന്‍റെ വ​ഴി​ത്തി​രി​വ്. തു​ഗ്ല​ക് എ​ന്ന ചി​ത്ര​ത്തി​ലാ​യി​രു​ന്നു ആ​ദ്യ പ്ര​ധാ​ന വേ​ഷം. പി​ന്നീ​ട് പ​വ​ൻ കു​മാ​റി​ന്‍റെ ലൂ​സി​യ​യി​ൽ പോ​ലീ​സ് ഓ​ഫീ​സ​റാ​യി ഒ​രു ചെ​റി​യ വേ​ഷം ചെ​യ്തു. അ​ങ്ങ​നി​രി​ക്കെ 2016 ൽ, ​ര​ക്ഷി​ത് ഷെ​ട്ടി​യെ നാ​യ​ക​നാ​ക്കി അ​ദ്ദേ​ഹം ആ​ദ്യ​മാ​യി സം​വി​ധാ​യകനാ​യി. റി​ക്കി എ​ന്ന ആ ​ചി​ത്രം​ബോ​ക്സ് ഓ​ഫീ​സി​ൽ ശ​രാ​ശ​രി വി​ജ​യം മാ​ത്ര​മാ​ണ് നേ​ടി​യ​ത്.

എ​ന്നാ​ൽ അ​തേ വ​ർ​ഷം അ​ദ്ദേ​ഹം കി​രി​ക് പാ​ർ​ട്ടി എ​ന്ന ചി​ത്രം ഒ​രു​ക്കി. അ​ത് ഇ​ൻ​ഡ​സ്ട്രി ഹി​റ്റാ​യി മാ​റി. പി​ന്നീ​ട് ’സ​ർ​ക്കാ​ർ ഹി’ ​എ​ന്ന ചി​ത്രം സം​വി​ധാ​നം ചെ​യ്ത അ​ദ്ദേ​ഹം വൈ​കാ​തെ ചി​ല ചി​ത്ര​ങ്ങ​ളി​ൽ നാ​യ​ക​നാ​യും തി​ള​ങ്ങി.

ഇ​തി​നി​ടെ സ​ർ​ക്കാ​രി ഹി​രി​യ പ്രാ​ഥ​മി​ക ശാ​ലെ, കാ​സ​ർ​ഗോ​ഡു എ​ന്ന ചി​ത്ര​ത്തി​ന് മി​ക​ച്ച കു​ട്ടി​ക​ളു​ടെ ചി​ത്ര​ത്തി​നു​ള്ള ദേ​ശീ​യ ച​ല​ച്ചി​ത്ര അ​വാ​ർ​ഡ് ഉ​ൾ​പ്പെ​ടെ നി​ര​വ​ധി അം​ഗീ​കാ​ര​ങ്ങ​ൾ അ​ദ്ദേ​ഹം നേ​ടി. രാ​ജ് ഷെ​ട്ടി സം​വി​ധാ​നം ചെ​യ്ത ഗ​രു​ഡ ഗ​മ​ന വൃ​ഷ​ഭ വാ​ഹ​ന​ത്തി​ലെ പ്ര​ക​ട​ന​വും അ​ദ്ദേ​ഹ​ത്തി​ന് കൈ​യ​ടി നേ​ടി​ക്കൊ​ടു​ത്തു.

2021 സെ​പ്റ്റം​ബ​റി​ലാ​ണ് അ​ദ്ദേ​ഹം കാ​ന്താ​ര​യു​ടെ ചി​ത്രീ​ക​ര​ണം ആ​രം​ഭി​ച്ച​ത്. കാ​ടി​ന് അ​വ​കാ​ശ​പ്പെ​ട്ട​ത് എ​ന്ന​ർ​ഥ​മു​ള്ള കാ​ന്താ​ര 2022 സെ​പ്റ്റം​ബ​ർ 30ന് ​തി​യ​റ്റ​റു​ക​ളി​ൽ എ​ത്തി. പി​ന്നീ​ട് ന​ട​ന്ന​ത് ച​രി​ത്രം. ദൈ​വ​ക്കോ​ല​മാ​യി ക്ലൈ​മാ​ക്സി​ൽ ഋ​ഷ​ഭ് ന​ട​ത്തി​യ​ അ​തു​ല്യ പ്ര​ക​ട​ന​ത്തി​ൽ കൈ​യ​ടി​ക്കാ​ത്ത​വ​ർ ആ​രും ത​ന്നെ​യി​ല്ല.

വ​ട​ക്ക​ൻ കേ​ര​ള​ത്തി​ന്‍റെ തെ​യ്യ​വും ദ​ക്ഷി​ണ ക​ർ​ണാ​ട​ക​യു​ടെ ദൈ​വ​ക്കോ​ല​വു​മൊ​ക്കെ ആ ​ന​ട​ന്‍റെ പ്ര​ക​ട​ന​ത്തി​ൽ മി​ന്നി​മാ​ഞ്ഞ​പ്പോ​ൾ ഹോം​ബാ​ലെ ഫി​ലിം​സ് 16 കോ​ടി മു​ത​ൽ​മു​ട​ക്കി നി​ർ​മി​ച്ച ചി​ത്രം 450 കോ​ടി​യു​ടെ ക​ള​ക്ഷ​ൻ നേ​ടി. മാ​ത്ര​മ​ല്ല സ്വി​റ്റ്സ​ർ​ല​ൻ​ഡി​ലെ ജ​നീ​വ​യി​ലു​ള്ള ഐ​ക്യ​രാ​ഷ്ട്ര​സ​ഭ​യു​ടെ ഓ​ഫീ​സി​ൽ പ്ര​ദ​ർ​ശി​പ്പി​ക്കാ​നു​ള്ള ബ​ഹു​മ​തി​വ​രെ കാ​ന്താ​ര ക​ര​സ്ഥ​മാ​ക്കി.

നി​ല​വി​ൽ ഇ​ന്ത്യ​ൻ സി​നി​മ​യി​ൽ അ​വി​ഭാ​ജ്യ​ഘ​ട​ക​മാ​ണ് ക​ന്ന​ഡ ഇ​ൻ​ഡ​സ്ട്രി. അ​തി​നു​കാ​ര​ണ​ക്കാ​രാ​യ ഷെ​ട്ടി കൂ​ട്ടു​കെ​ട്ട് പി​ന്നെ​യും ത​ങ്ങ​ളു​ടെ മാ​ജി​ക് തു​ട​രു​ക​യാ​ണ്. ’കാ​ന്താ​ര: അ​ധ്യാ​യം 1’ എ​ന്ന പേ​രി​ൽ കാ​ന്താ​ര​യു​ടെ പ്രീ​ക്വ​ൽ ത​യാ​റാ​ക്കു​ന്ന തി​ര​ക്കി​ലാ​ണ് ഋ​ഷ​ഭി​പ്പോ​ൾ. അ​ഭി​ന​യ​ത്തി​ന്‍റെ മ​റ്റൊ​രു ത​ല​ത്താ​ൽ ഋ​ഷ​ഭ് ത​ങ്ങ​ളെ വേ​റൊ​രു ലോ​ക​ത്തെ​ത്തി​ക്കു​മെ​ന്ന ഉ​റ​പ്പി​ൽ കാ​ത്തി​രി​ക്കു​ക​യാ​ണ് പ്രേ​ക്ഷ​ക​ർ.