തൃ​ശൂ​ർ: വ​യ​നാ​ട് ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ല്‍ പു​ലി​ക​ളി വേ​ണ്ടെ​ന്നു​വ​ച്ച തീ​രു​മാ​നം പു​നഃ​പ​രി​ശോ​ധി​ക്ക​ണ​മെ​ന്ന് ആ​വ​ശ്യ​പ്പെ​ട്ട് തൃ​ശൂ​ർ മേ​യ​ർ​ക്ക് നി​വേ​ദ​നം ന​ൽ​കി. ഓ​ണ​ത്തോ​ട​നു​ബ​ന്ധി​ച്ച് പു​ലി​ക​ളി ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് ഒ​മ്പ​ത് പു​ലി​ക​ളി സം​ഘ​ങ്ങ​ളാ​ണ് മേ​യ​ർ എം.​കെ.​വ​ർ​ഗീ​സി​ന് നി​വേ​ദ​നം ന​ൽ​കി​യ​ത്.

പു​ലി​ക​ളി ഒ​രു​ക്ക​ങ്ങ​ളു​ടെ ഭാ​ഗ​മാ​യി ഓ​രോ ടീ​മി​നും മൂ​ന്നു ല​ക്ഷ​ത്തി​ല​ധി​കം രൂ​പ ഇ​തി​നോ​ട​കം ചെ​ല​വാ​യി​ട്ടു​ണ്ടെ​ന്നും പു​ലി​ക​ളി ന​ട​ത്താ​തി​രു​ന്നാ​ല്‍ സാ​മ്പ​ത്തി​ക ന​ഷ്ടം താ​ങ്ങാ​ൻ ക​ഴി​യി​ല്ലെ​ന്നും സം​ഘ​ങ്ങ​ള്‍ വ്യ​ക്ത​മാ​ക്കി. പു​ലി​ക​ളി ന​ട​ത്തി​യി​ല്ലെ​ങ്കി​ൽ ത​ങ്ങ​ള്‍​ക്കു​ണ്ടാ​യ ബാ​ധ്യ​ത കോ​ർ​പ്പ​റേ​ഷ​ൻ ഏ​റ്റെ​ടു​ക്ക​ണ​മെ​ന്നും നി​വേ​ദ​ന​ത്തി​ൽ പ​റ​യു​ന്നു.

പു​ലി​ക​ളി ന​ട​ക്കു​ന്ന​തി​ന് മാ​സ​ങ്ങ​ള്‍​ക്ക് മു​ൻ​പ് ത​ന്നെ അ​തി​ന് വേ​ണ്ട മു​ന്നൊ​രു​ക്ക​ങ്ങ​ള്‍ ആ​രം​ഭി​ച്ചി​രു​ന്നു. വേ​ഷം കെ​ട്ടു​ന്ന​വ​ർ​ക്ക് അ​ഡ്വാ​ൻ​സ് തു​ക അ​ട​ക്കം ന​ല്‍​കി ക​ഴി​ഞ്ഞു. ഇ​നി പു​ലി​ക​ളി ന​ട​ന്നി​ല്ലെ​ങ്കി​ല്‍ വ​ലി​യ സാ​മ്പ​ത്തി​ക ന​ഷ്ട​മാ​യി​രി​ക്കും ഉ​ണ്ടാ​വു​ക.

വ​യ​നാ​ടി​ന്‍റെ ദുഃ​ഖ​ത്തി​ല്‍ പ​ങ്കു​ചേ​രു​ക​യാ​ണെ​ന്നും അ​തി​ന്‍റെ പേ​രി​ല്‍ പു​ലി​ക​ളി വേ​ണ്ടെ​ന്ന് വ​യ്‌​ക്കു​ന്ന​ത് ഭീ​മ​മാ​യ ന​ഷ്ട​മാ​ണ് ക​ലാ​കാ​ര​ന്മാ​ർ​ക്കു​ണ്ടാ​ക്കു​ന്ന​തെ​ന്നും സം​ഘാം​ഗ​ങ്ങ​ള്‍ പ​റ​ഞ്ഞു.