വ​യ​നാ​ട്: ഉ​രു​ൾപൊ​ട്ട​ൽ ദു​ര​ന്ത​ത്തി​ൽ മ​രി​ച്ച​വ​രു​ടെ സ്ഥി​രീ​ക​രി​ച്ച സം​ഖ്യ 224 ൽ ​എ​ത്തി​യെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. വ​യ​നാ​ട്ടി​ൽ​നി​ന്ന് അ​ഞ്ചും നില​മ്പൂ​രി​ൽ​നി​ന്ന് ഒ​രു മൃത​ദേ​ഹ​വു​മാ​ണ് ഇ​ന്ന​ലെ ല​ഭി​ച്ച​തെ​ന്ന് മു​ഖ്യ​മ​ന്ത്രി അ​റി​യി​ച്ചു.

വ​യ​നാ​ട്ടി​ൽ​നി​ന്ന് 150 ഉം ​നി​ല​ന്പൂ​രി​ൽ​നി​ന്ന് 76 ഉം ​മൃ​ത​ദേ​ഹ​ങ്ങ​ളാ​ണ് ല​ഭി​ച്ച​ത്. മൃ​ത​ദേ​ഹ​ങ്ങ​ൾ മ​റ​വു​ചെ​യ്യു​ന്ന​തി​ന് കൂ​ടു​ത​ൽ സ്ഥ​ലം ഏ​റ്റെ​ടു​ക്കാ​ൻ ജി​ല്ലാ ക​ള​ക്ട​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

154 പേ​രെ കാ​ണാ​താ​യി എ​ന്നാ​ണ് ക​ണ​ക്ക്. 88 പേ​ർ ഇ​പ്പോ​ളും ആ​ശു​പ​ത്രി​യി​ലാ​ണ്. ചൂ​ര​ൽ​മ​ല ഭാ​ഗ​ത്ത് ഒ​മ്പ​ത് ക്യാ​മ്പു​ക​ളി​ലാ​യി 1381 പേ​രാ​ണു​ള്ള​ത്. ചാ​ലി​യാ​റി​ലും വ​ന​മേ​ഘ​ല​യി​ലും തെ​ര​ച്ചി​ൽ ശ​ക്ത​മാ​ക്കാ​നും ക​ട​ലി​ൽ മൃ​ത​ദേ​ഹ​ങ്ങ​ൾ ഒ​ഴു​കി​യെ​ത്തി​യി​ട്ടു​ണ്ടോ എ​ന്ന് തെ​ര​ച്ചി​ൽ ന​ട​ത്താ​നും നി​ർ​ദേ​ശം ന​ൽ​കി​യി​ട്ടു​ണ്ടെ​ന്ന് അ​ദ്ദേ​ഹം പ​റ​ഞ്ഞു.

ഉ​രു​ൾ​പൊ​ട്ട​ലി​ൽ കാ​ണാ​താ​യ​വ​രെ ക​ണ്ടെ​ത്താ​നു​ള്ള സാ​ധ്യ​ത​ക​ൾ ബാ​ക്കി​നി​ർ​ത്താ​തെ​യു​ള്ള തെ​ര​ച്ചി​ലാ​ണ് ന​ട​ക്കു​ന്ന​ത്. ഊ​ർ​ജി​ത​മാ​യ തെ​ര​ച്ചി​ലും നി​രീ​ക്ഷ​ണ​വും ഇ​ന്നും ന​ട​ക്കു​ക​യാ​ണ്.

സൈ​ന്യം, വ​നം​വ​കു​പ്പ്, ഫ​യ​ർ​ഫോ​ഴ്സ് എ​ന്നി​വ​ര​ടങ്ങി​യ സം​ഘ​ത്തെ​യാ​ണ് ഇ​ന്ന് തെ​ര​ച്ചി​ലി​ന് നി​യോ​ഗി​ച്ച​ത്. സൂ​ചി​പ്പാ​റ മു​ത​ൽ പോ​ത്തു​ക​ല്ല് വ​രെ​യു​ള്ള മേ​ഖ​ല​യി​ലേ​ക്കും ഇ​തു​വ​രെ പൂ​ർ​ണ​മാ​യി എ​ത്തി​ച്ചേ​രാ​ൻ ക​ഴി​യാ​തി​രു​ന്ന സ​ൺ റൈ​സ് വാ​ലി​യി​ലേ​ക്കും തെ​ര​ച്ചി​ൽ സം​ഘ​ത്തെ ഹെ​ലി​ക്കോ​പ്പ്റ്റ​റി​ലാ​ണ് എ​ത്തി​ച്ച​ത്. തെ​ര​ച്ചി​ൽ ന​ട​ത്താ​ത്ത ഒ​രു പ്ര​ദേ​ശ​വും ഉ​ണ്ടാ​ക​രു​ത് എ​ന്ന ഉ​ദ്ദേ​ശ​ത്തോ​ടെ​യാ​ണ് ഇ​ത്.

ക്യാ​മ്പു​ക​ളി​ലു​ള്ള​വ​ർ​ക്കും സ​ന്ന​ദ്ധ​പ്ര​വ​ർ​ത്ത​ക​ർ​ക്കും ന​ൽ​കു​ന്ന ഭ​ക്ഷ​ണ​ത്തി​ന്‍റെ ഗു​ണ​നി​ല​വാ​രും ഉ​റ​പ്പാ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. ഭ​ക്ഷ്യ സു​ര​ക്ഷ ഉ​റ​പ്പാ​ക്കി പ​രി​ശോ​ധ​ന​ക​ൾ പൂ​ർ​ത്തി​യാ​ക്കി​യാ​ണ് ഭ​ക്ഷ​ണം വി​ത​ര​ണം ചെ​യ്യു​ന്ന​ത്. ഉ​രു​ൾ​പൊ​ട്ട​ലി​ൽ ത​ക​ർ​ന്ന ര​ണ്ട് റേ​ഷ​ൻ ക​ട​ക​ളു​ടെ പ്ര​വ​ർ​ത്ത​നം മേ​പ്പാ​ടി​യി​ൽ ത​ന്നെ ആ​രം​ഭി​ച്ചു.

ഗു​രു​ത​​ര​മാ​യ കേ​ടു​പാ​ടു​ക​ൾ സം​ഭ​വി​ച്ച ത​ക​ർ​ന്നു​വീ​ഴാ​റാ​യ കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റാ​ൻ സാ​ധ്യ​മാ​ണോ എ​ന്ന് പ​രി​ശോ​ധി​ക്കും. ഇ​ന്ത്യ​ൻ സാ​യു​ധ സേ​ന​ക​ളു​ടെ തു​ട​ർ പ്ര​വ​ർ​ത്ത​നം സം​ബ​ന്ധി​ച്ച് ഉ​ന്ന​ത ഉ​ദ്യോ​ഗ​സ്ഥ​രോ​ട് ച​ർ​ച്ച ചെ​യ്ത് തീ​രു​മാ​നി​ക്കാ​ൻ ചീ​ഫ് സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി.

ഉ​രു​ൾ​പൊ​ട്ട​ൽ ബാ​ധി​ത പ്ര​ദേ​ശ​ത്തേ​ക്ക് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രും സ​ന്ന​ദ്ധ​പ്ര​വ​ർ​ത്ത​ക​രും മാ​ത്ര​മേ പോ​കു​ന്നു​ള്ളു എ​ന്ന് ഉ​റ​പ്പാ​ക്ക​ണം. 112 ടീ​മു​ക​ളാ​യി 913 വാ​ള​ന്‍റി​യ​ർ​മാ​രും പ്ര​ദേ​ശ​വാ​സി​ക​ളും സേ​നാം​ഗ​ങ്ങ​ളോ​ടൊ​പ്പം ചേ​ർ​ന്നി​ട്ടു​ണ്ട്. പോ​ലീ​സ്, ക​ര​സേ​ന, ത​മി​ഴ്നാ​ട് അ​ഗ്നി​ര​ക്ഷാ സേ​ന എ​ന്നി​വ​രു​ടെ ഡോ​ഗ് സ്ക്വാ​ഡും തെ​ര​ച്ചി​ലി​ന് രം​ഗ​ത്തു​ണ്ടെ​ന്ന് മു​ഖ്യ​മ​ന്ത്രി അ​റി​യി​ച്ചു.

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് വ​രു​ന്ന ഓ​രോ തു​ക​യും വ​യ​നാ​ടി​യാ​യി ഉ​പ​യോ​ഗി​ക്കും. ജൂ​ലൈ 30 മു​ത​ൽ തി​ങ്ക​ളാ​ഴ്ച വ​രെ ദു​രി​താ​ശ്വാ​സ നി​ധി​യി​ലേ​ക്ക് ല​ഭി​ച്ച​ത് 53,9852942 രൂ​പ​യാ​ണെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി.