അര്ജുനെ കണ്ടെത്താൻ ഊർജിത ശ്രമം; പുഴയിൽ തിരച്ചിൽ നടത്തും
Tuesday, July 23, 2024 7:20 AM IST
ബംഗളൂരു: ഷിരൂരിൽ മണ്ണിടിഞ്ഞ് വീണ് കാണാതായ കോഴിക്കോട് സ്വദേശി അര്ജുനെ കണ്ടെത്തുന്നതിനായി കൂടുതല് ഉപകരണങ്ങള് എത്തിച്ച് ഇന്ന് പുഴയിൽ തിരച്ചിൽ നടത്തും.
കൂടുതൽ റഡാറുകൾ എത്തിച്ച് സൈന്യത്തിന്റെ നേതൃത്വത്തിൽ ഇന്നുമുതൽ പുഴ കേന്ദ്രീകരിച്ചാണ് തിരച്ചിൽ നടക്കുക. ഇന്നലെ വൈകുന്നേരത്തോടെ പുഴയ്ക്ക് അടിയിൽ നിന്ന് പുതിയ സിഗ്നൽ കിട്ടിയിരുന്നു. ലോറി കരഭാഗത്ത് ഇല്ലെന്നും സൈന്യം വ്യക്തമാക്കി.
ഗംഗാവലി നദിക്കടിയിൽ നിന്ന് കിട്ടിയ സിഗ്നല് കേന്ദ്രീകരിച്ചായിരിക്കും ഇന്നത്തെ പരിശോധന. പുഴയിൽ കര ഭാഗത്ത് നിന്ന് 40 മീറ്റർ അകലെയാണ് സിഗ്നൽ കിട്ടിയിട്ടുള്ളത്. ലോറി ചളിമണ്ണിൽ പൂണ്ട് പുതഞ്ഞ് പോയിരിക്കാനുള്ള സാധ്യത തള്ളിക്കളയാനാവില്ലെന്ന് സൈന്യം പറഞ്ഞു.