മുഖ്യമന്ത്രിയുടെ ഏകാധിപത്യ ശൈലി തിരിച്ചടിച്ചു: എഐവൈഎഫ്
Monday, July 22, 2024 7:43 AM IST
പത്തനംതിട്ട: മുഖ്യമന്ത്രിയുടെ ഏകാധിപത്യ ശൈലിയും ധാഷ്ട്യവും ജനവികാരം എതിരാക്കിയെന്ന് എഐവൈഎഫ്. രക്ഷാപ്രവര്ത്തന പരാമര്ശം സര്ക്കാരിന്റെ പ്രതിഛായയെത്തന്നെ ബാധിച്ചുവെന്നും എഐവൈഎഫ് കുറ്റപ്പെടുത്തി.
എഐവൈഎഫ് പത്തനംതിട്ട ജില്ലാ ശില്പശാലയിലാണ് മുഖ്യമന്ത്രിക്ക് നേരെ വിമര്ശനമുയർന്നത്. ക്ഷേമ പെന്ഷന് മുടങ്ങിയത് താഴേത്തട്ടിലുളളവരെ ഇടതിന് എതിരാക്കി. സപ്ലൈക്കോ പ്രതിസന്ധി കാര്യങ്ങള് രൂക്ഷമാക്കിയെന്നും എഐവൈഎഫ് വിമർശിച്ചു.
നവകരേള സദസ് പൂര്ണമായും ഇടത് സ്വഭാവത്തിലുളളതായിരുന്നില്ല. കെഎസ്ആർടിസി ശമ്പള മുടക്കം, പിന്നാക്ക വിഭാഗ വിദ്യാർഥികളുടെ സ്റ്റെപെന്ഡ് മുടക്കം എന്നിവ ഇടത് മനസുളളവരില് പോലും എതിര് വികാരം സൃഷ്ടിച്ചുവെന്നും ശിൽപശാലയിൽ നേതാക്കൾ അഭിപ്രായപ്പെട്ടു.