മലപ്പുറത്തെ നിപ രോഗിയുടെ റൂട്ട് മാപ്പ് പ്രസിദ്ധീകരിച്ചു
Saturday, July 20, 2024 11:37 PM IST
മലപ്പുറം: മലപ്പുറത്തെ നിപ രോഗിയുടെ റൂട്ട് മാപ്പ് പ്രസിദ്ധീകരിച്ചു. പാണ്ടിക്കാട് സ്വദേശിയായ വിദ്യാർഥി ബ്രൈറ്റ് ട്യൂഷൻ സെന്റർ പാണ്ടിക്കാട്, ഡോ. വിജയൻസ് ക്ലിനിക് പികെഎം ഹോസ്പിറ്റൽ, പീഡിയാട്രിക് ഒപി, മൗലാന ഹോസ്പിറ്റൽ എമര്ജൻസി ഐസിയു എന്നിവിടങ്ങളിൽ ജൂലൈ 11 മുതൽ 15 വരെയുളള തീയതികളിൽ സന്ദര്ശിച്ചിട്ടുണ്ട്.
ഈ സ്ഥലങ്ങളില് ആ സമയത്ത് ഉണ്ടായിരുന്നവര് കണ്ട്രോള് റൂമുമായി ബന്ധപ്പെടണമെന്ന് ആരോഗ്യ മന്ത്രി അഭ്യർഥിച്ചു.
അതേസമയം, കുട്ടിയുടെ മാതാപിതാക്കളും അമ്മാവനും ക്വാറന്റൈനിലാണ്. കൂടാതെ, കുട്ടി നേരത്തെ ചികിത്സ തേടിയ ആശുപത്രികളിലെ ഡോക്ടർമാരും നഴ്സുമാരും ക്വാറന്റീനിൽ പ്രവേശിച്ചു.
കുട്ടിയുടെ അടുത്ത സുഹൃത്തിനും പനി ബാധിച്ചിട്ടുണ്ട്. ഈ കുട്ടിയുടെ സാമ്പിൾ പരിശോധനക്ക് അയച്ചു.