തി​രു​വ​ന​ന്ത​പു​രം: മെ​ഡി​ക്ക​ല്‍ കോ​ള​ജി​ൽ രോ​ഗി ര​ണ്ടു​ദി​വ​സം ലി​ഫ്റ്റി​ല്‍ കു​ടു​ങ്ങി​ക്കി​ട​ന്ന സം​ഭ​വ​ത്തി​ല്‍ ന​ട​പ​ടി​യെ​ടു​ത്ത് ആ​രോ​ഗ്യ​വ​കു​പ്പ്. ര​ണ്ട് ലി​ഫ്റ്റ് ഓ​പ്പ​റേ​റ്റ​ര്‍​മാ​ര്‍, ഡ്യൂ​ട്ടി സാ​ര്‍​ജ​ന്‍റ് എ​ന്നി​വ​രെ അ​ന്വേ​ഷ​ണ​വി​ധേ​യ​മാ​യി സ​സ്‌​പെ​ന്‍​ഡ് ചെ​യ്തു.

വി​ഷ​യ​ത്തി​ൽ അ​ടി​യ​ന്ത​ര​മാ​യി അ​ന്വേ​ഷി​ച്ച് ന​ട​പ​ടി സ്വീ​ക​രി​ക്കാ​ന്‍ ആ​രോ​ഗ്യ വ​കു​പ്പ് മ​ന്ത്രി വീ​ണാ ജോ​ര്‍​ജ് മെ​ഡി​ക്ക​ല്‍ വി​ദ്യാ​ഭ്യാ​സ വ​കു​പ്പ് ഡ​യ​റ​ക്ട​ര്‍​ക്ക് നി​ര്‍​ദേ​ശം ന​ല്‍​കി​യി​രു​ന്നു. മെ​ഡി​ക്ക​ല്‍ വി​ദ്യാ​ഭ്യാ​സ വ​കു​പ്പ് ജോ​യി​ന്‍റ് ഡ​യ​റ​ക്ട​ര്‍, പ്രി​ന്‍​സി​പ്പ​ല്‍, സൂ​പ്ര​ണ്ട് എ​ന്നി​വ​ര​ട​ങ്ങി​യ സം​ഘം ന​ട​ത്തി​യ അ​ന്വേ​ഷ​ണ​ത്തെ തു​ട​ര്‍​ന്നാ​ണ് ന​ട​പ​ടി.

തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ് സ്വ​ദേ​ശി ര​വീ​ന്ദ്ര​ൻ നാ​യ​ർ (60) ആ​ണ് ആ​ശു​പ​ത്രി​യി​ലെ ഒ​പി ബ്ലോ​ക്കി​ൽ കേ​ടാ​യി കി​ട​ന്ന ലി​ഫ്റ്റി​ൽ കു​ടു​ങ്ങി​യ​ത്. ശ​നി​യാ​ഴ്ച ഉ​ച്ച​യോ​ടു കൂ​ടി​യാ​ണ് സം​ഭ​വം. തി​രു​വ​ന​ന്ത​പു​രം എം​എ​ൽ​എ ഹോ​സ്റ്റ​ലി​ലെ താ​ത്കാ​ലി​ക ജീ​വ​ന​ക്കാ​ര​നാ​ണ് ര​വീ​ന്ദ്ര​ൻ നാ​യ​ർ. ശാ​രീ​രി​ക അ​വ​ശ​ത​ക​ളെ തു​ട​ർ​ന്ന് ഓ​ർ​ത്തോ വി​ഭാ​ഗ​ത്തി​ൽ ഇ​ദ്ദേ​ഹം ചി​കി​ത്സ​യ്ക്ക് എ​ത്തി​യി​രു​ന്നു.

ഡോ​ക്ട​റെ ക​ണ്ട​ശേ​ഷം ലാ​ബ് റി​സ​ൾ​ട്ട് വാ​ങ്ങു​ന്ന​തി​ന് വേ​ണ്ടി ശ​നി​യാ​ഴ്ച ലാ​ബി​ൽ എ​ത്തി​യി​രു​ന്നു. എ​ന്നാ​ൽ ചി​ല രേ​ഖ​ക​ൾ എ​ടു​ക്കാ​ൻ മ​റ​ന്ന​തി​നെ തു​ട​ർ​ന്ന് വീ​ട്ടി​ലേ​ക്ക് പോ​യ ശേ​ഷം തി​രി​കെ ആ​ശു​പ​ത്രി​യി​ൽ എ​ത്തി. തു​ട​ർ​ന്ന് മൂ​ന്നാം നി​ല​യി​ലെ ഡോ​ക്ട​റെ കാ​ണു​ന്ന​തി​നു​വേ​ണ്ടി പോ​കാ​ൻ ലി​ഫ്റ്റി​ൽ ക​യ​റു​ക​യാ​യി​രു​ന്നു.

കേ​ടാ​യി കി​ട​ന്ന ലി​ഫ്റ്റി​ൽ സേ​ഫ്റ്റി റി​ബ​ൺ കെ​ട്ടി​യി​രു​ന്നു​വെ​ങ്കി​ലും അ​ത് എ​ങ്ങ​നെ​യോ ന​ഷ്ട​മാ​യി​രു​ന്നു. അ​തു​കൊ​ണ്ടാ​ണ് ലി​ഫ്റ്റ് അ​റ്റ​കു​റ്റ​പ്പ​ണി​യി​ൽ ആ​ണെ​ന്നു​ള്ള വി​വ​രം അ​റി​യാ​തെ ര​വീ​ന്ദ്ര​ൻ നാ​യ​ർ ഇ​തി​നു​ള്ളി​ൽ ക​യ​റി​യ​ത്. ലി​ഫ്റ്റി​ൽ ക​യ​റി ഡോ​ർ ക്ലോ​സ് ചെ​യ്യു​ന്ന​തി​ന് ബ​ട്ട​ൺ അ​മ​ർ​ത്തി​യ​തോ​ടു​കൂ​ടി ഇ​ദ്ദേ​ഹം ലി​ഫ്റ്റി​നു​ള്ളി​ൽ അ​ക​പ്പെ​ടു​ക​യും ലി​ഫ്റ്റ് അ​ൽ​പ്പ​ദൂ​രം മു​ക​ളി​ലേ​ക്ക് ഉ​യ​ർ​ന്നു നി​ൽ​ക്കു​ക​യും ചെ​യ്തു. അ​തേ​സ​മ​യം ശ​നി​യാ​ഴ്ച ര​വീ​ന്ദ്ര​ൻ നാ​യ​ർ ലി​ഫ്റ്റി​ൽ ക​യ​റി​യ വി​വ​ര​മോ പ​കു​തി വ​ഴി​യി​ൽ കു​ടു​ങ്ങി​യ വി​വ​ര​മോ ആ​രും അ​റി​ഞ്ഞി​രു​ന്നി​ല്ല.

ഞാ​യ​റാ​ഴ്ച ആ​യി​രു​ന്ന​തി​നാ​ൽ ലി​ഫ്റ്റി​ന്‍റെ അ​റ്റ​കു​റ്റ​പ്പ​ണി ഉ​ണ്ടാ​യി​ല്ല. അ​തു​കൊ​ണ്ടു​ത​ന്നെ ര​വീ​ന്ദ്ര​ൻ നാ​യ​ർ ആ ​ദി​വ​സം മു​ഴു​വ​ൻ ലി​ഫ്റ്റി​നു​ള്ളി​ൽ ക​ഴി​ച്ചു​കൂ​ട്ടി. ഇ​ന്ന് രാ​വി​ലെ 7.30 ഓ​ടു​കൂ​ടി ഒ​രു ജീ​വ​ന​ക്കാ​ര​ൻ വ​ന്ന് ലി​ഫ്റ്റ് തു​റ​ക്കാ​ൻ ശ്ര​മി​ച്ച​പ്പോ​ഴാ​ണ് ഇ​ത് പ​കു​തി വ​ഴി​യി​ൽ നി​ൽ​ക്കു​ന്ന​താ​യി അ​റി​ഞ്ഞ​ത്. തു​ട​ർ​ന്ന് അ​റ്റ​കു​റ്റ​പ്പ​ണി ന​ട​ത്തു​ന്ന​തി​നു​ള്ള ജീ​വ​ന​ക്കാ​രെ​ത്തി ലി​ഫ്റ്റി​ന്‍റെ ഡോ​ർ പൊ​ളി​ച്ച​പ്പോ​ഴാ​ണ് ഇ​തി​നു​ള്ളി​ൽ മ​നു​ഷ്യ​ൻ കു​ടു​ങ്ങി​ക്കി​ട​ക്കു​ന്ന​താ​യി അ​റി​യു​ന്ന​ത്.

ലി​ഫ്റ്റി​നു​ള്ളി​ൽ വാ​യു​സ​ഞ്ചാ​രം കു​റ​വാ​യി​രു​ന്ന​തു​കൊ​ണ്ടും ഭ​യ​പ്പെ​ട്ട​തു​കൊ​ണ്ടും ര​വീ​ന്ദ്ര​ൻ നാ​യ​ർ​ക്ക് ശാ​രീ​രി​ക ബു​ദ്ധി​മു​ട്ടു​ക​ൾ ഉ​ണ്ടാ​യ​ത​ല്ലാ​തെ മ​റ്റു വി​ഷ​മ​ങ്ങ​ൾ ഒ​ന്നും സം​ഭ​വി​ച്ചി​ല്ല. ഒ​ന്ന​ര ദി​വ​സം ലി​ഫ്റ്റി​നു​ള്ളി​ൽ കു​ടു​ങ്ങി​ക്കി​ട​ന്ന ര​വീ​ന്ദ്ര​ൻ നാ​യ​ർ ര​ക്ഷ​പ്പെ​ട്ട​തി​ലു​ള്ള അ​ദ്ഭു​ത​ത്തി​ൽ ആ​യി​രു​ന്നു ആ​ശു​പ​ത്രി​യി​ൽ ഉ​ണ്ടാ​യി​രു​ന്ന​വ​ർ.

ചെ​റി​യ രീ​തി​യി​ൽ ശാ​രീ​രി​ക അ​വ​ശ​ത​ക​ൾ അ​നു​ഭ​വ​പ്പെ​ട്ട ഇ​ദ്ദേ​ഹ​ത്തെ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് പ്രാ​ഥ​മി​ക ചി​കി​ത്സ ന​ൽ​കി. അ​തേ​സ​മ​യം സം​ഭ​വം വി​വാ​ദ​മാ​യ​തി​നെ​ത്തു​ട​ർ​ന്ന് കേ​ടാ​യ ലി​ഫ്റ്റ് എ​ത്ര​യും പെ​ട്ടെ​ന്ന് ന​ന്നാ​ക്കു​ന്ന​തി​നും അ​തു​പോ​ലെ​ത​ന്നെ ലി​ഫ്റ്റ് അ​റ്റ​കു​റ്റ​പ്പ​ണി​യി​ൽ ആ​ണെ​ന്ന് ബോ​ർ​ഡ് വ​യ്ക്കു​ന്ന​തി​നും ആ​ശു​പ​ത്രി അ​ധി​കൃ​ത​ർ നി​ർ​ദേ‌ശം ന​ൽ​കി​യി​ട്ടു​ണ്ട്.