പേ​രൂ​ര്‍​ക്ക​ട: തി​രു​മ​ല സ്വ​ദേ​ശി​യാ​യ ക്യാ​പ്റ്റ​ന്‍ ഹ​രി കേ​ര​ള​ത്തി​ന് എ​ന്തു​കൊ​ണ്ടും അ​ഭി​മാ​ന​മാ​ണ്. കാ​ര​ണം ഒ​രു അ​ഭി​മാ​ന നി​മി​ഷ​ത്തി​ന്‍റെ ഭാ​ഗ​വാ​ക്കാ​യി മാ​റി​യ പേ​രാ​ണ് അ​ത്. കഴിഞ്ഞദിവസം വി​ഴി​ഞ്ഞം തു​റ​മു​ഖ തീ​ര​ത്ത് ആ​ദ്യ മ​ദ​ര്‍​ഷി​പ് സാ​ന്‍ ഫെ​ര്‍​ണാ​ണ്ടോ​യ്ക്ക് ന​ങ്കൂ​ര​മി​ടാ​ന്‍ ചു​ക്കാ​ന്‍ പി​ടി​ച്ച​ത് ക​പ്പ​ലി​ന്‍റെ സേ​ഫ്റ്റി ആ​ന്‍​ഡ് ക്വാ​ളി​റ്റി മാ​നേ​ജ​ര്‍ തി​രു​വ​ന​ന്ത​പു​രം തി​രു​മ​ല തൃ​ക്ക​ണ്ണാ​പു​രം സ്വ​ദേ​ശി ക്യാ​പ്റ്റ​ന്‍ ജി.​എ​ന്‍ ഹ​രി (52) യാ​ണ്.

ഇ​ദ്ദേ​ഹ​മാ​ണ് ക​പ്പ​ലി​നെ ആ​ദ്യം തീ​രം തൊ​ടു​വി​ച്ച​ത്. ഔ​ട്ട​ര്‍ ഏ​രി​യ​യി​ല്‍​നി​ന്ന് ക​പ്പ​ല്‍ ചാ​ലി​ലൂ​ടെ മ​ദ​ര്‍​ഷി​പ്പി​നെ തു​റ​മു​ഖ​ത്തി​ലേ​ക്ക് എ​ത്തി​ച്ച​ത് ഹ​രി​യു​ടെ നേ​തൃ​ത്വ​ത്തി​ലാ​ണ്. സിംഗപ്പൂരിലായിരുന്ന ഹരിയോട് കഴിഞ്ഞ ഞാ​യ​റാ​ഴ്ച​യാ​ണ് വി​ഴി​ഞ്ഞ​ത്തേ​ക്ക് പോ​ക​ണ​മെ​ന്ന് ക​മ്പ​നി നി​ര്‍​ദേ​ശം ന​ല്‍​കി​യ​ത്.

തു​റ​മു​ഖ​ത്തെ​യും ക​പ്പ​ല്‍ ചാ​ലി​നെ​യും കാ​ലാ​വ​സ്ഥ​യെ​യും കു​റി​ച്ചു​ള്ള വി​വ​ര​ങ്ങ​ള്‍ ശേ​ഖ​രി​ച്ചു. പി​ന്നീ​ട് തീ​രു​മാ​ന​ങ്ങ​ള്‍ വേ​ഗ​ത്തി​ലാ​യി​രു​ന്നു. അ​വ​യെ​ല്ലാം പി​ഴ​വി​ല്ലാ​തെ ന​ട​പ്പി​ലാ​ക്കാ​നാ​യ നി​ര്‍​വൃ​തി​യി​ലാ​ണ് ഇ​പ്പോ​ള്‍ ഹ​രി. മ​ഴ​യും കാ​റ്റു​മി​ല്ലാ​ത്ത അ​ന്ത​രീ​ക്ഷം ക​പ്പ​ലി​നെ തീ​ര​മ​ടു​പ്പി​ക്കാ​ന്‍ അ​നു​കൂ​ല​മാ​യെ​ന്ന് ഹ​രി പ​റ​യു​ന്നു.

6,700ല്‍ ​അ​ധി​കം ക​ണ്ടെ​യ്‌​ന​റു​ക​ളാ​ണ് ക​പ്പ​ലി​ലു​ള്ള​ത്. ഇ​തി​ല്‍ 1,200 ക​ണ്ടെ​യ്‌​ന​ര്‍ വി​ഴി​ഞ്ഞ​ത്ത് ഇ​റ​ക്കി​യ​ശേ​ഷം വെ​ള്ളി​യാ​ഴ്ച ക​പ്പ​ല്‍ തി​രി​കെ പോ​കും. സിം​ഗ​പ്പൂ​ര്‍ ക​മ്പ​നി​യാ​ണ് ക​പ്പ​ല്‍ പ്ര​വ​ര്‍​ത്തി​പ്പി​ക്കു​ന്ന​ത്. വാ​ട്ട​ര്‍ സ​ല്യൂ​ട്ട് ന​ല്‍​കി​യാ​ണു കഴിഞ്ഞദിവസം ​ക​പ്പ​ലി​നെ വി​ഴി​ഞ്ഞം തു​റ​മു​ഖം സ്വീ​ക​രി​ച്ച​ത്.