ഭിന്നശേഷിക്കാരനായ യുവാവിന് മർദനമേറ്റ സംഭവം: റിപ്പോർട്ട് തേടിയെന്ന് മന്ത്രി ആർ.ബിന്ദു
Sunday, July 7, 2024 11:55 PM IST
മലപ്പുറം: ഭിന്നശേഷിക്കാരനായ യുവാവിന് മർദനമേറ്റ സംഭവത്തിൽ അടിയന്തര റിപ്പോർട്ട് സമർപ്പിക്കാൻ മലപ്പുറം ജില്ലാ സാമൂഹ്യനീതി ഓഫീസറോട് നിർദ്ദേശിച്ചിട്ടുണ്ടെന്ന് മന്ത്രി ആർ. ബിന്ദു. എടക്കര മധുരകറിയൻ ജിബിനാണ് (24) മര്ദനമേറ്റത്.
ഇലക്ട്രിക് സ്കൂട്ടര് ചാര്ജ് ചെയ്യാൻ ഒരു വീട്ടില് കയറിയതിന്റെ പേരിലാണ് വീട്ടുകാര് ക്രൂരമായി മര്ദിച്ചതെന്ന് ജിബിന്റെ പിതാവ് അലവിക്കുട്ടി പറഞ്ഞു. ജിബിൻ വീട്ടിലെത്തിയപ്പോൾ ലഹരി ഉപയോഗിച്ച് വന്നയാളാണെന്ന് പറഞ്ഞ് മര്ദിക്കുകയായിരുന്നു.
മര്ദനത്തില് പരിക്കേറ്റ ജിബിൻ നിലമ്പൂര് ജില്ലാ ആശുപത്രിയില് ചികിത്സ തേടി. സംഭവത്തിൽ ശക്തമായ നടപടി സ്വീകരിക്കുമെന്ന് മന്ത്രി പറഞ്ഞു.