ദളിത് യുവതിക്ക് മർദനം ; സിപിഎം പ്രവർത്തകനെതിരെ കേസ്
Sunday, July 7, 2024 10:57 PM IST
ആലപ്പുഴ: നടുറോഡിൽവച്ച് സിപിഎം പ്രവർത്തകർ ദളിത് യുവതിയെ മർദിച്ചതായി പരാതി. തൈക്കാട്ടുശേരി സ്വദേശിയായ 19 കാരിക്കാണ് മർദനമേറ്റത്. പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചു.
സിപിഎം പ്രവർത്തകനായ ഷൈജുവും സഹോദരനും ചേർന്നാണ് മർദിച്ചതെന്ന് യുവതിയുടെ പരാതി. യുവതിയുടെ ഇളയ സഹോദങ്ങളെ ഷൈജു മർദിച്ചു എന്ന് ചൂണ്ടിക്കാട്ടി ഞായറാഴ്ച രാവിലെ പൂച്ചാക്കൽ സ്റ്റേഷനിൽ പരാതി നൽകിയിരുന്നു.
ഇതിന് പിന്നാലെയാണ് ഷൈജുവും സഹോദരനും ചേർന്ന് നടുറോഡിലിട്ട് യുവതിയെ മർദിച്ചത്. പോലീസിൽ പരാതി നൽകിയിട്ടും യാതൊരു നടപടിയും ഉണ്ടായില്ലെന്ന് യുവതി പറഞ്ഞു.