പൂച്ച കുറുകെ ചാടി; ഓട്ടോ നിയന്ത്രണം വിട്ട് മറിഞ്ഞ് ഡ്രൈവർ മരിച്ചു
Sunday, July 7, 2024 12:37 PM IST
മലപ്പുറം: എടപ്പാൾ തുയ്യത്ത് പൂച്ച കുറുകെ ചാടിയതിനെ തുടർന്ന് ഓട്ടോ നിയന്ത്രണം വിട്ട് മറിഞ്ഞ് ഡ്രൈവർ മരിച്ചു. തെയ്യങ്ങാട് സ്വദേശി തിയ്യത്ത് ഹൗസിൽ വിബിൻദാസ്(33) ആണ് മരിച്ചത്.
അപകടസമയത്ത് ഓട്ടോയിലുണ്ടായിരുന്ന യാത്രക്കാർക്കും പരിക്കേറ്റു. ഇവർ ആശുപത്രിയിലെത്തി ചികിത്സ തേടി. പരിക്ക് ഗുരുതരമല്ലെന്നാണ് വിവരം.
എടപ്പാൾ പൊന്നാനി റോഡിൽ പുലർച്ചെ ഒന്നോടെയാണ് അപകടം. പൂച്ച കുറുകെ ചാടിയതോടെ ഇതിനെ രക്ഷപെടുത്താൻ ഓട്ടോ വെട്ടിച്ചതാണ് അപകട കാരണം. ഗുരുതരമായി പരിക്കേറ്റ വിബിൻദാസിനെ ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.