ക്ലാസെടുക്കുന്നതിനിടെ അധ്യാപകനെ വിദ്യാർഥി കുത്തിക്കൊന്നു
Sunday, July 7, 2024 12:05 AM IST
ദിസ്പുർ: ആസാമിൽ ക്ലാസെടുക്കുന്നതിനിടെ അധ്യാപകനെ വിദ്യാർഥി കുത്തിക്കൊന്നു. ശിവസാഗർ ജില്ലയിലെ ലഖിമി നഗറിലുള്ള സ്വകാര്യ കോച്ചിംഗ് അക്കാദമിയിൽ ശനിയാഴ്ച്ച വൈകീട്ടാണ് സംഭവം.
പ്ലസ് വണ് വിദ്യാർഥി, അധ്യാപകനായ ആന്ധ്രാപ്രദേശ് സ്വദേശി രാജേഷ് ബാബുവിനെയാണ് കൊന്നത്. സംഭവത്തിൽ വിദ്യാർഥിയെ പോലീസ് അറസ്റ്റ് ചെയ്തു.
ആക്രമണത്തിൽ ഗുരുതരമായി പരിക്കേറ്റ രാജേഷ് ബാബുവിനെ ആശുപത്രിയിലെത്തിച്ചുവെങ്കിലും മരണംസംഭവിക്കുകയായിരുന്നു. വിദ്യാർഥിക്ക് കത്തി എവിടെ നിന്ന് ലഭിച്ചുവെന്നതിനെ കുറിച്ച് അന്വേഷണം നടക്കുന്നതായി എഎസ്പി മൊയിദുൾ ഇസ്ലാം അറിയിച്ചു.