സിസോദിയായ്ക്കെതിരെ കേജരിവാൾ മൊഴി നൽകിയെന്ന് സിബിഐ
Wednesday, June 26, 2024 6:32 PM IST
ന്യൂഡല്ഹി : മദ്യനയക്കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കേജരിവാൾ മനീഷ് സിസോദിയായ്ക്കെതിരെ മൊഴി നൽകിയെന്ന് സിബിഐ കോടതിയിൽ.
പുതിയ മദ്യനയം ഉപമുഖ്യമന്ത്രി മനീഷ് സിസോദിയയുടെ ആശയമായിരുന്നുവെന്ന് കേജരിവാള് പറഞ്ഞുവെന്ന് സിബിഐ ഡല്ഹി റൗസ് അവന്യൂ കോടതിയിൽ പറഞ്ഞു. അതേസമയം കേജരിവാൾ സിബിഐയുടെ വാദങ്ങള് തള്ളി.
മനീഷ് സിസോദിയയെ കുറ്റപ്പെടുത്തുന്ന തരത്തില് താന് മൊഴി നല്കിയിട്ടില്ലെന്ന് കേജരിവാൾ കോടതിയിൽ പറഞ്ഞു. സിബിഐ വൃത്തങ്ങൾ വ്യാജവാർത്ത പ്രചരിപ്പിക്കുകയാണെന്നും കേജരിവാൾ കൂട്ടിച്ചേര്ത്തു.
മദ്യനയക്കേസിൽ ഇഡി അറസ്റ്റ് ചെയ്ത് തിഹാർ ജയിലിൽ കഴിയുന്ന കേജരിവാളിനെ ചൊവ്വാഴ്ച സിബിഐ അറസ്റ്റ് ചെയ്തിരുന്നു. കഴിഞ്ഞ വർഷം ഫെബ്രുവരിയിൽ ഇഡി അറസ്റ്റ് ചെയ്ത സിസോദിയ ഇപ്പോഴും ജയിലിൽ തുടരുകയാണ്.