ഓറഞ്ച് പടയെ വീഴ്ത്തി; ഓസ്ട്രിയ ഗ്രൂപ്പ് ജേതാക്കൾ
Wednesday, June 26, 2024 12:20 AM IST
ഡോര്ട്ട്മുണ്ഡ്: യൂറോകപ്പിൽ നെതര്ലന്ഡിനെ (3-2) തകർത്ത് ഓസ്ട്രിയ ഗ്രൂപ്പ് ജേതാക്കളായി പ്രീക്വാര്ട്ടറില് കടന്നു. കളി ആരംഭിച്ച് ആറാം മിനിറ്റിൽ സെൽഫ് ഗോളിലൂടെ ഓസ്ട്രിയ ലീഡ് എടുത്തത്. മലൻ ആയിരുന്നു സെൽഫ് ഗോൾ അടിച്ചത്.
രണ്ടാം പകുതിയുടെ തുടക്കത്തിൽ ഗാക്പോയുടെ നെതർലൻഡ് ഒപ്പമെത്തി. 59-ാം മിനിറ്റിൽ റൊമാനോ ഷ്മിഡിലൂടെ വീണ്ടും ഓസ്ട്രിയ മുന്നിലെത്തി. 75-ാം മിനിറ്റിൽ ഡിപായ് ഗോൾ നേടിയതോടെ വീണ്ടും ഇരുടീമുകളും സമനിലയിലെത്തി.
80 -ാം മിനിറ്റിൽ സബിറ്റ്സറിലൂടെ ഓസ്ട്രിയ മുന്നിലെത്തി. പിന്നീട് പ്രതിരോധിച്ച് കളിച്ച ഓസ്ട്രിയ നെതര്ലന്ഡിന് അവസരങ്ങൾ നൽകാതെ കളി അവസാനിപ്പിച്ചു.