"കൈ'യില് ഭരണഘടന; രാഹുല് ഗാന്ധി ലോക്സഭാംഗമായി സത്യപ്രതിജ്ഞ ചെയ്തു
Tuesday, June 25, 2024 4:26 PM IST
ന്യൂഡല്ഹി: കോണ്ഗ്രസ് നേതാവ് രാഹുല് ഗാന്ധി ലോക്സഭാംഗമായി സത്യപ്രതിജ്ഞ ചെയ്തു. ഭരണഘടന വലത് കൈയില് ഉയര്ത്തി പിടിച്ച് ഇംഗ്ലീഷിലാണ് രാഹുൽ സത്യവാചകം ചൊല്ലിയത്.
സത്യപ്രതിജ്ഞയ്ക്കായി രാഹുൽ എത്തിയപ്പോൾ ജോഡോ ജോഡോ ഭാരത് ജോഡോ മുദ്രാവാക്യം പ്രതിപക്ഷ അംഗങ്ങൾ വിളിച്ചു. ജയ് ശ്രീറാം വിളിച്ച് ഭരണപക്ഷവും രംഗത്തെത്തി. ഉത്തര്പ്രദേശിലെ റായ്ബറേലിയില് നിന്നുമുള്ള എംപിയായാണ് 18-ാം ലോക്സഭയിലേക്ക് അദ്ദേഹം എത്തിയത്.
നേരത്തെ വയനാട് നിന്നും അദ്ദേഹം വിജയിച്ചിരുന്നെങ്കിലും പിന്നീട് രാജിവച്ചിരുന്നു. മൂന്ന് ലക്ഷത്തി തൊണ്ണൂറായിരം വോട്ടുകളുടെ ഭൂരിപക്ഷത്തിലാണ് അദ്ദേഹം റായ്ബറേലിയില് നിന്നും വിജയിച്ചത്. തെരഞ്ഞെടുപ്പ് കാലത്തും രാഹുല് ഗാന്ധി ഭരണഘടനയുമായിട്ടാണ് ജനങ്ങളെ സമീപിച്ചത്.
പ്രധാനമന്ത്രി നരേന്ദ്ര മോദി ഉള്പ്പെടെ പുതുതായി തെരഞ്ഞെടുക്കപ്പെട്ട 262 എംപിമാര് തിങ്കളാഴ്ചയാണ് സത്യപ്രതിജ്ഞ ചെയ്തത്.