ഭക്ഷ്യസാധനങ്ങള് ഏറ്റവും വിലകുറച്ച് കിട്ടുന്നത് സപ്ലൈക്കോയില്, 50 ദിവസത്തേക്ക് പ്രത്യേക ഓഫര്: മുഖ്യമന്ത്രി
Tuesday, June 25, 2024 1:34 PM IST
തിരുവനന്തപുരം: സപ്ലൈക്കോയുടെ 50-ാം വാര്ഷികത്തോടനുബന്ധിച്ച് പ്രത്യേക ഓഫറും വിലക്കുറവും ഉണ്ടാകുമെന്ന് മുഖ്യമന്ത്രി പിണറായി വിജയന്. 50 ജനപ്രിയ ഉത്പന്നങ്ങള്ക്കാണ് ഓഫറുണ്ടാവുക. സപ്ലൈക്കോ ഔട്ട്ലെറ്റുകളില് അടുത്ത 50 ദിവസത്തേക്കാണ് ഈ ഓഫര് ലഭിക്കുകയെന്നും മുഖ്യമന്ത്രി പ്രതികരിച്ചു.
സബ്സിഡിയില്ലാത്ത സാധനങ്ങള്ക്ക് സാധാരണ നല്കുന്ന ഡിസ്ക്കൗണ്ടിന് പുറമേ 10 ശതമാനം അധിക വിലക്കുറവ് നല്കുന്ന പദ്ധതിയും നടപ്പിലാക്കും. ഉച്ചയ്ക്ക് രണ്ട് മുതല് മൂന്ന് വരെയുള്ള സമയത്താണ് വിലക്കുറവുണ്ടാവുക.
ഭക്ഷ്യസാധനങ്ങള് ഏറ്റവും വിലകുറച്ച് കിട്ടുന്നത് എവിടെയെന്ന് ചോദിച്ചാല് മലയാളിക്ക് ഒറ്റ ഉത്തരമേ ഉള്ളു. അത് സപ്ലൈക്കോ ആണെന്നും മുഖ്യമന്ത്രി കൂട്ടിച്ചേര്ത്തു. ശബരി ബ്രാന്ഡില് നിരവധി ഉത്പന്നങ്ങള് സപ്ലൈക്കോ മാര്ക്കറ്റില് എത്തിക്കുന്നുണ്ട്.
ശബരി കേരളത്തിന്റെ പ്രിയപ്പെട്ട ബ്രാന്ഡായി മാറിയത് സപ്ലൈക്കോയുടെ വിശ്വാസ്യതയ്ക്കുള്ള അംഗീകാരമാണെന്നും മുഖ്യമന്ത്രി പറഞ്ഞു.