കേണിച്ചിറയിൽ പശുക്കളെ കൊന്ന കടുവയെ മയക്കുവെടി വയ്ക്കും
Sunday, June 23, 2024 2:34 PM IST
വയനാട്: കേണിച്ചിറയില് നാല് പശുക്കളെ ആക്രമിച്ച് കൊന്ന കടുവയെ മയക്കുവെടി വച്ച് പിടികൂടും. ഇതുസംബന്ധിച്ച വനംവകുപ്പ് ചീഫ് വൈല്ഡ് ലൈഫ് വാര്ഡൻ ഉത്തരവിറക്കി. കൂട് വെച്ച് പിടികൂടാനായില്ലെങ്കിലായിരിക്കും കടുവയെ മയക്കുവെടിവെച്ച് പിടികൂടുക.
സ്ഥലത്ത് വിവിധയിടങ്ങളില് കൂട് സ്ഥാപിച്ച് നിരീക്ഷണം ശക്തമാക്കും. നിലവില് സ്ഥലത്ത് രണ്ട് കൂടുകള് സ്ഥാപിച്ചിട്ടുണ്ട്. ആര്ആര്ടി സംഘവും സ്ഥലത്ത് എത്തിയിട്ടുണ്ട്.
ഉത്തരവിറങ്ങിയതോടെ കടുവയെ പിടികൂടാനുള്ള നടപടികള് ഊര്ജിതമാക്കിയിരിക്കുകയാണ് ആര്ആര്ടി സംഘം.