അവന്തികയ്ക്ക് മന്ത്രി സമ്മാനിച്ച സൈക്കിള്‍ വീണ്ടും മോഷ്ടിച്ചയാൾ അറസ്റ്റിൽ |

Click here for detailed news of all items

അവന്തികയ്ക്ക് മന്ത്രി സമ്മാനിച്ച സൈക്കിള്‍ വീണ്ടും മോഷ്ടിച്ചയാൾ അറസ്റ്റിൽ

Saturday, June 22, 2024 12:12 PM IST

കൊച്ചി: മോഷണം പോയ സൈക്കിളിന് പകരമായി മന്ത്രി വി. ശിവന്‍കുട്ടി അവന്തികയ്ക്ക് സമ്മാനിച്ച പുത്തന്‍ സൈക്കിള്‍ മോഷ്ടിച്ചയാള്‍ അറസ്റ്റില്‍. പാലാരിവട്ടം പോലീസാണ് മോഷ്ടാവിനെ അറസ്റ്റ് ചെയ്തത്. ആലപ്പുഴ ആറാട്ടുവഴി തൈപ്പറന്പിൽ ഷാജി (56) ആണ് മോഷണം നടത്തിയത്.

സൈക്കിൾ പൊന്നുരുന്നിയിലെ ഒരാൾക്ക് ഇയാൾ വില്പന നടത്തിയിരുന്നു. ഇവിടെനിന്നാണ് പോലീസ് സൈക്കിൾ കണ്ടെടുത്തത്. ഉച്ചയ്ക്കു ശേഷം പ്രതിയെ കോടതിയില്‍ ഹാജരാക്കും.

ആദ്യമായി വാങ്ങിയ സൈക്കിള്‍ മോഷണം പോയെന്നും സഹായിക്കണമെന്നും അഭ്യര്‍ഥിച്ച് വിദ്യാഭ്യാസ മന്ത്രിക്ക് ഇമെയില്‍ അയച്ച പാലാരിവട്ടം സ്വദേശിനി അവന്തികയ്ക്ക് ഈ മാസം രണ്ടിനാണ് സ്‌കൂള്‍ പ്രവേശനോത്സവ പരിപാടിക്കിടെ മന്ത്രി ശിവന്‍കുട്ടി സര്‍പ്രൈസായി സൈക്കിള്‍ സമ്മാനിച്ചത്.

എന്നാല്‍ ആ സന്തോഷത്തിന് അല്‍പായുസ് മാത്രമേ ഉണ്ടായിരുന്നുള്ളൂ. വെള്ളിയാഴ്ച പുലര്‍ച്ചെ 4.30നായിരുന്നു വീട്ടില്‍നിന്ന് പുതിയ സൈക്കിളും മോഷണം പോയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.