കണ്ണിൽച്ചോരയില്ലാതെ കള്ളൻ! ‌‌അവന്തികയ്ക്ക് മന്ത്രി സമ്മാനിച്ച സൈക്കിളും മോഷണംപോയി |

Click here for detailed news of all items

കണ്ണിൽച്ചോരയില്ലാതെ കള്ളൻ! ‌‌അവന്തികയ്ക്ക് മന്ത്രി സമ്മാനിച്ച സൈക്കിളും മോഷണംപോയി

Saturday, June 22, 2024 9:55 AM IST

കൊച്ചി: മോഷണം പോയ സൈക്കിളിന് പകരമായി മന്ത്രി വി. ശിവൻകുട്ടി വിദ്യാർഥിനിക്ക് സമ്മാനിച്ച പുതിയ സൈക്കിളും മോഷണം പോയി. കൊച്ചി പാലാരിവട്ടം സ്വദേശിനി അവന്തികയ്ക്കാണ് വീണ്ടും സൈക്കിൾ നഷ്ടമായത്.

ആദ്യമായി വാങ്ങിയ സൈക്കിള്‍ മോഷണം പോയെന്നും സഹായിക്കണമെന്നും അഭ്യര്‍ഥിച്ച് ഇ-മെയില്‍ അയച്ച പാലാരിവട്ടം സ്വദേശിനി അവന്തികയ്ക്ക് ഈ മാസം രണ്ടിനാണ് സ്കൂൾ പ്രവേശനോത്സവ പരിപാടിക്കിടെ മന്ത്രി സൈക്കിള്‍ സമ്മാനിച്ചത്.

വെള്ളിയാഴ്ച പുലര്‍ച്ചയാണ് മോഷണം നടന്നത്. രാവിലെയാണ് സംഭവം അറിഞ്ഞത്. മോഷ്ടാവിന്‍റെ ദൃശ്യങ്ങൾ സമീപത്തെ വീട്ടിലെ സിസിടിവിയിൽ പതിഞ്ഞിട്ടുണ്ട്. പക്ഷെ ചിത്രം വ്യക്തമല്ല.

താമസം ഒന്നാം നിലയിലായതിനാല്‍ താഴെ കാര്‍ പോര്‍ച്ചിലായിരുന്നു സൈക്കിള്‍ സൂക്ഷിച്ചിരുന്നത്. ലോക്ക് ചെയ്ത് വച്ചിരുന്ന സൈക്കിളിനൊപ്പം മൂന്ന് സ്‌കൂട്ടറുകളുമുണ്ടായിരുന്നു. എന്നാല്‍ കള്ളന്‍ സൈക്കിള്‍ മാത്രമാണ് കൊണ്ടു പോയത്. സംഭവത്തില്‍ പാലാരിവട്ടം പോലീസ് കേസെടുത്ത് അന്വേഷണം ആരംഭിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.