കോപ്പയിൽ അർജന്റീനയ്ക്ക് വിജയത്തുടക്കം
Friday, June 21, 2024 7:51 AM IST
അറ്റ്ലാന്റ: കോപ്പ അമേരിക്കയില് വിജയത്തുടക്കവുമായി നിലവിലെ ചാമ്പ്യന്മാരായ അര്ജന്റീന. ഗ്രൂപ്പ് എയിൽ കാനഡയെ ഏകപക്ഷീയമായ രണ്ടുഗോളുകള്ക്കാണ് അര്ജന്റീന പരാജയപ്പെടുത്തിയത്.
49-ാം മിനിറ്റിൽ ജൂലിയന് അല്വാരസിലൂടെയാണ് അർജന്റീന ആദ്യ ഗോൾ നേടിയത്. 88-ാം മിനിറ്റിൽ ലൗട്ടാറോ മാര്ട്ടിനസ് ലീഡ് ഉയർത്തി.
ലയണൽ മെസിയടക്കമുള്ള അര്ജന്റീന താരങ്ങള് നിരവധി അവസരങ്ങളാണ് തുലച്ചത്. അർജന്റീനയ്ക്ക് കടുത്ത വെല്ലുവിളിയാണ് കാനഡ ഉയർത്തിയത്.