പ്ലസ്വൺ സീറ്റ് പ്രതിസന്ധി: പാലക്കാട്ടും കണ്ണൂരിലും കെഎസ്യു മാർച്ചിൽ സംഘര്ഷം
Wednesday, June 19, 2024 2:19 PM IST
പാലക്കാട്: മലബാര് മേഖലയിലെ പ്ലസ് വണ് സീറ്റ് പ്രതിസന്ധി പരിഹരിക്കണമെന്നാവശ്യപ്പെട്ട് വിവിധ ജില്ലകളിൽ കെഎസ്യു നടത്തിയ മാർച്ചിൽ സംഘർഷം.
പാലക്കാട് കളക്ടറേറ്റിലേക്ക് നടത്തിയ മാർച്ചിൽ ബാരിക്കേഡ് മറികടക്കാൻ ശ്രമിച്ച പ്രവർത്തകരെ പോലീസ് അറസ്റ്റ് ചെയ്തു നീക്കി. പ്രതിഷേധക്കാരെ പോലീസ് കൈയേറ്റം ചെയ്തെന്നാരോപിച്ച് യൂത്ത് കോൺഗ്രസ് പ്രവർത്തകരും പോലീസും തമ്മിൽ ഉന്തുംതള്ളുമുണ്ടായി. തുടർന്ന് ബാരിക്കേഡിനു മുകളിൽ കയറി പ്രതിഷേധക്കാർ മുദ്രാവാക്യം വിളിച്ചു.
കണ്ണൂരിൽ ബാരിക്കേഡ് തകർക്കാൻ ശ്രമിച്ച കെഎസ്യു പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. ഒരു വിഭാഗം പ്രവർത്തകർ റോഡിൽ കുത്തിയിരുന്നു പ്രതിഷേധിച്ചു. തുടർന്ന് പ്രതിഷേധക്കാരെ അറസ്റ്റ് ചെയ്തു നീക്കി. പ്രവർത്തകരെ കൊണ്ടുപോയ പോലീസ് വാഹനം തടയാനും പ്രതിഷേധക്കാർ ശ്രമിച്ചു.