ക്വാറിയിലെ വെള്ളക്കെട്ടിൽ ഇരട്ട സഹോദരങ്ങൾ മുങ്ങിമരിച്ചു
Monday, June 17, 2024 9:31 PM IST
കാസർഗോഡ് : ചെങ്കൽ ക്വാറിയിലെ വെള്ളക്കെട്ടിൽ ഇരട്ട സഹോദരങ്ങൾ മുങ്ങിമരിച്ചു. കാസർഗോഡ് ചീമേനിയിൽ രാധാകൃഷ്ണൻ - പുഷ്പ ദമ്പതികളുടെ മക്കളായ സുദേവും ശ്രീദേവുമാണ് മരിച്ചത്.
വീടിനടുത്തുള്ള ക്വാറിയിലാണ് കുട്ടികൾ അപകടത്തിൽപ്പെട്ടത്. ചീമേനി ഗവ.ഹയർസെക്കൻഡറി സ്കൂളിലെ അഞ്ചാം ക്ലാസ് വിദ്യാർഥികളാണ് സുദേവും ശ്രീദേവും.
മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. പോലീസും ഫയർഫോഴ്സും സ്ഥലത്ത് എത്തി മേൽ നടപടികൾ സ്വീകരിച്ചു.