വാമനപുരം നദിയിൽ രണ്ടുപേർ മുങ്ങിമരിച്ചു
Monday, June 17, 2024 5:02 PM IST
തിരുവനന്തപുരം: വാമനപുരം നദിയിൽ കുളിക്കാനിറങ്ങിയ രണ്ടു പേർ മുങ്ങി മരിച്ചു. തിങ്കളാഴ്ച മൂന്നരയോടെപാലോട് പൊട്ടൻചിറയിലുണ്ടായ ദാരുണസംഭവത്തിൽ വള്ളക്കടവ് സ്വദേശി ബിനു (37), പാലോട് കാലൻ കാവ് സ്വദേശി കാർത്തിക് (15) എന്നിവരാണ് മരിച്ചത്.
കാർത്തിക് വിതുര സ്കൂളിലെ പത്താം ക്ലാസ് വിദ്യാർഥിയാണ്. നിലവിളി കേട്ട് ഓടിയെത്തിയ നാട്ടുകാര് കാർത്തികിനെ വിതുര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ബിനുവിന്റെ മൃതദേഹം പാലോട് ഗവ. ആശുപത്രിയിലേക്ക് മാറ്റി. പോലീസും ഫയർഫോഴ്സും സ്ഥലത്ത് എത്തി മേൽ നടപടികൾ സ്വീകരിച്ചു.