പാ​ല​ക്കാ​ട്: തൃ​ത്താ​ല​യി​ൽ വാ​ഹ​ന പ​രി​ശോ​ധ​ന​യ്ക്കി​ടെ എ​സ്ഐ​യെ കാ​റി​ടി​പ്പി​ച്ച് വീ​ഴ്ത്തി​യ ശേ​ഷം ക​ട​ന്നു​ക​ള​ഞ്ഞ പ്ര​തി​യെ പോ​ലീ​സ് പി​ടി​കൂ​ടി. തൃ​ത്താ​ല സ്വ​ദേ​ശി അ​ല​ൻ (19) ആ​ണ് പി​ടി​യി​ലാ​യ​ത്. പ​ട്ടാ​മ്പി​യി​ലെ ര​ഹ​സ്യ കേ​ന്ദ്ര​ത്തി​ൽ നി​ന്നാ​ണ് ഇ​യാ​ളെ അ​റ​സ്റ്റ് ചെ​യ്ത​ത്.

രാ​ത്രി വാ​ഹ​ന പ​രി​ശോ​ധ​ന​യ്ക്കി​ടെ തൃ​ത്താ​ല എ​സ്ഐ ശ​ശി​കു​മാ​റി​നെ കാ​റി​ടി​പ്പി​ച്ച് വീ​ഴ്ത്തി​യ ശേ​ഷം ഇ​യാ​ൾ മൊ​ബൈ​ൽ ഫോ​ൺ ഓ​ഫാ​ക്കി ക​ട​ന്നു ക​ള​യു​ക​യാ​യി​രു​ന്നു. പി​ന്നീ​ട് പോ​ലീ​സ് സി​സി​ടി​വി കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​ല​ൻ കു​ട​ങ്ങി​യ​ത്.

കാ​റി​ൽ അ​ല​നൊ​പ്പം മ​റ്റൊ​രാ​ൾ കൂ​ടി​യു​ണ്ടാ​യി​രു​ന്നു​വെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്. ഇ​ത് ഒ​റ്റ​പ്പാ​ലം സ്വ​ദേ​ശി അ​ജീ​ഷാ​ണെ​ന്ന് അ​ല​ൻ പോ​ലീ​സി​നോ​ട് സ​മ്മ​തി​ച്ചി​ട്ടു​ണ്ട്. ഇ​യാ​ൾ​ക്കാ​യി പോ​ലീ​സ് അ​ന്വേ​ഷ​ണം തു​ട​രു​ക​യാ​ണ്.

ബോ​ധ​പൂ​ർ​വം എ​സ്ഐ​യെ അ​പാ​യ​പ്പെ​ടു​ത്താ​നു​ള്ള നീ​ക്ക​മാ​യി​രു​ന്നു പ്ര​തി​ക​ളു​ടേ​തെ​ന്ന് തൃ​ത്താ​ല സി​ഐ വ്യ​ക്ത​മാ​ക്കി. അ​സ്വാ​ഭാ​വി​ക​മാ​യി കാ​ർ പാ​ർ​ക്ക് ചെ​യ്തി​രു​ന്ന​ത് ക​ണ്ടാ​ണ് പോ​ലീ​സ് സ്ഥ​ല​ത്തേ​ക്ക് എ​ത്തി​യ​ത്.

എ​ന്നാ​ൽ പോ​ലീ​സി​ന്‍റെ സാ​ന്നി​ധ്യം മ​ന​സി​ലാ​ക്കി​യ പ്ര​തി​ക​ൾ എ​സ്ഐ​യെ ഇ​ടി​ച്ചി​ട്ട് ക​ട​ന്നു​ക​ള​യു​ക​യാ​യി​രു​ന്നു. ഭാ​ഗ്യം​കൊ​ണ്ടാ​ണ് ര​ക്ഷ​പെ​ട്ട​തെ​ന്ന് എ​സ്ഐ ശ​ശി പ്ര​തി​ക​രി​ച്ചു. ത​ല​യ്ക്കും കാ​ലി​നും പ​രി​ക്കേ​റ്റ എ​സ്ഐ ചി​കി​ത്സ​യി​ലാ​ണ്.

സം​ഭ​വ​ത്തി​ന് പി​ന്നാ​ലെ കാ​റി​ന്‍റെ ഉ​ട​മ ഞാ​ങ്ങാ​ട്ടേ​രി സ്വ​ദേ​ശി അ​ഭി​ലാ​ഷി​നെ പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. കേ​സി​ൽ വി​ശ​ദ​മാ​യ അ​ന്വേ​ഷ​ണം തു​ട​രു​ക​യാ​ണ്.