മൂന്നാറില് കാട്ടാന ആക്രമണം; പലചരക്ക് കടയുടെ വാതില് തകര്ത്തു
Sunday, June 9, 2024 3:05 PM IST
ഇടുക്കി: മൂന്നാറില് കാട്ടാന ആക്രമണം. ചൊക്കനാട് സൗത്ത് ഡിവിഷനില് എത്തിയ ആനക്കൂട്ടം പലചരക്ക് കട ആക്രമിച്ചു. ഇന്ന് പുലര്ച്ചെ മൂന്നോടെയാണ് സംഭവം.
കടയുടെ വാതില് തകര്ത്ത ആന പലചരക്ക് സാധനങ്ങള് വലിച്ച് പുറത്തിട്ടു. ആനകള് എത്തിയതിന് പിന്നാലെ വിവരം അറിഞ്ഞ് ഇവിടെയത്തിയ കട ഉടമയും നാട്ടുകാരും ചേര്ന്ന് ആനകളെ തുരത്തുകയായിരുന്നു.
ഇത് 20-ാം തവണയാണ് ഇതേ കട കാട്ടാനകള് ആക്രമിക്കുന്നത്. സംഭവത്തിൽ വനംവകുപ്പിനെതിരേ നാട്ടുകാർ പ്രതിഷേധത്തിലാണ്.