മുറിവാലൻ വീണ്ടും ജനവാസമേഖലയിൽ; ഭീതിയിൽ നാട്ടുകാർ
Wednesday, June 5, 2024 11:54 AM IST
ഇടുക്കി: ചിന്നക്കനാലിൽ ജനവാസമേഖലയിൽ വീണ്ടുമെത്തി കാട്ടുകൊമ്പൻ മുറിവാലൻ. രാവിലെ അറുപതേക്കർ വിലക്ക് ഭാഗത്താണ് മുറിവാലൻ ഇറങ്ങിയത്.
വീടുകൾക്ക് സമീപമെത്തിയ ആനയുടെ ദൃശ്യങ്ങൾ പകർത്താൻ ശ്രമിച്ചതോടെ പ്രകോപിതനായ മുറിവാലൻ ആളുകളുടെ നേരെ തിരിഞ്ഞു. ഇതോടെ സ്ഥലത്തുണ്ടായിരുന്നവർ ഓടിരക്ഷപെട്ടു.
കുറച്ചുനേരം പ്രദേശത്തു നിലയുറപ്പിച്ച ആന പിന്നീട് കാട്ടിലേക്ക് മടങ്ങി. സ്ഥലത്ത് ആർആർടിസംഘം നിരീക്ഷണം നടത്തി വരുകയാണ്.