റെയ്സിയുടെ ഹെലിക്കോപ്റ്റര് തകര്ന്ന സംഭവത്തിൽ ദുരൂഹതയില്ലെന്ന് സൈന്യം
Friday, May 24, 2024 6:44 PM IST
ടെഹ്റാന്: ഇറാന് പ്രസിഡന്റായിരുന്ന ഇബ്രാഹിം റെയ്സി സഞ്ചരിച്ച ഹെലിക്കോപ്റ്റര് തകര്ന്ന സംഭവത്തിൽ ദുരൂഹതയില്ലെന്ന് സൈന്യം വ്യക്തമാക്കി. ഹെലിക്കോപ്റ്റർ ഒരു പര്വതത്തില് ഇടിച്ചതിന് തൊട്ടുപിന്നാലെ തീ പിടിക്കുകയായിരുന്നുവെന്ന് സൈന്യം അറിയിച്ചു.
മറിച്ച് ഹെലിക്കോപ്റ്റർ ആക്രമിക്കപ്പെട്ടതിന്റെ ലക്ഷണമൊന്നും ഇല്ലെന്ന് കണ്ടെത്തി. കൂടുതല് വിവരങ്ങള് അന്വേഷണത്തിന് ശേഷം പുറത്തുവിടുമെന്നും സൈനിക തലവന് മാധ്യമങ്ങളോട് വ്യക്തമാക്കി.
അപകടത്തിന്റെ തൊട്ട് മുമ്പ് കണ്ടട്രോൾ ടവറും ഹെലിക്കോപ്റ്ററിലെ ജീവനക്കാരും തമ്മിലുള്ള ആശയ വിനിമയത്തില് സംശയാസ്പദമായ ഒന്നും ഉണ്ടായിരുന്നില്ല. ഹെലിക്കോപ്റ്ററിന്റെ പാതയില് മാറ്റമുണ്ടായിട്ടില്ല. വെടിയുതിര്ത്തതിന്റെ ലക്ഷണമൊന്നുമില്ലെന്നും കണ്ടെത്തിയതായി സൈന്യം വ്യക്തമാക്കി.