തി​രു​വ​ന​ന്ത​പു​രം: സം​സ്ഥാ​ന​ത്ത് മ​ദ്യ​ന​യ​ത്തി​ല്‍ ഇ​ള​വ് വ​രു​ത്തു​ന്ന​തി​നായി സ​ര്‍​ക്കാ​രി​ന് കോ​ഴ ന​ല്‍​കാ​ന്‍ പി​രി​വെ​ടു​ത്തെ​ന്ന ആ​രോ​പ​ണം ത​ള്ളി കേ​ര​ള ഹോ​ട്ട​ല്‍​സ് അ​സോ​സി​യേ​ഷ​ന്‍. അം​ഗ​ങ്ങ​ളോ​ട് പ​ണ​മാ​വ​ശ്യ​പ്പെ​ട്ട​ത് ബി​ല്‍​ഡിംഗ് ഫ​ണ്ടി​നു വേ​ണ്ടി​യാ​ണെ​ന്നും അ​നി​മോ​ന്‍ കോ​ഴ ന​ല്‍​കാ​ന്‍ നി​ര്‍​ദേ​ശി​ക്കു​ന്ന ശ​ബ്ദ​സ​ന്ദേ​ശം ഗൂ​ഢാ​ലോ​ച​ന​യു​ടെ ഭാ​ഗ​മാ​ണെ​ന്നും ഫെ​ഡ​റേ​ഷ​ന്‍ ഓ​ഫ് കേ​ര​ള ബാ​ര്‍ ഹോ​ട്ട​ല്‍​സ് സം​സ്ഥാ​ന പ്ര​സി​ഡ​ന്‍റ് വി.​സു​നി​ല്‍ കു​മാ​ര്‍ വ്യ​ക്ത​മാ​ക്കി.

സം​ഘ​ട​ന​യെ പി​ള​ര്‍​ത്താ​ന്‍ ശ്ര​മം ന​ട​ത്തി​യ​തി​ന് അ​നി​മോ​നെ സ​സ്‌​പെ​ന്‍​ഡ് ചെ​യ്യാ​ന്‍ ക​ഴി​ഞ്ഞദി​വ​സം തീ​രു​മാ​ന​മെ​ടു​ത്തി​രു​ന്ന​താ​യും അ​ദ്ദേ​ഹം പ​റ​ഞ്ഞു. തി​രു​വ​ന​ന്ത​പു​ര​ത്ത് സം​ഘ​ട​ന​ക്ക് ഓ​ഫീ​സ് കെ​ട്ടി​ടം വാ​ങ്ങാ​ന്‍ നേ​ര​ത്തെ തീ​രു​മാ​നി​ച്ചി​രു​ന്നു. അ​തി​നെ എ​തി​ര്‍​ക്കു​ന്ന ആ​ളു​ക​ളു​ണ്ട്. അ​നി​മോ​ന്‍ ഇ​തി​ലൊ​രാ​ളാ​ണ്.

കെ​ട്ടി​ടം വാ​ങ്ങാ​നു​ള്ള കാ​ലാ​വ​ധി 30 ന് ​ക​ഴി​യും നാ​ലു​കോ​ടി​യാ​ണ് പി​രി​ച്ച​ത്. ബാ​ക്കി പ​ണം എ​ക്‌​സി​ക്യൂ​ട്ടീ​വ് അം​ഗ​ങ്ങ​ള്‍ ലോ​ണ്‍ ആ​യി ത​രാ​ന്‍ പ​റ​ഞ്ഞു. ഇ​ടു​ക്കി ജി​ല്ല​യി​ല്‍ നി​ന്നാ​ണ് പി​രി​വ് കു​റ​വ്. ജി​ല്ലാ പ്ര​സി​ഡ​ന്‍റ് അ​നി​മോ​ന്‍ ഇ​ക്കാ​ര്യ​ത്തെ കു​റി​ച്ചാ​ണ് സംസാരിച്ചതെ​ന്നും സു​നി​ല്‍ വ്യക്തമാക്കി.

നേ​ര​ത്തെ, അ​നു​കൂ​ല​മാ​യ മ​ദ്യ​ന​യ​ത്തി​ന് വേ​ണ്ടി പ​ണ​പ്പി​രി​വ് ആ​വ​ശ്യ​പ്പെ​ട്ട് അ​നി മോ​ന്‍റെ വാ​ട്‌​സ് ആ​പ്പ് സ​ന്ദേ​ശം പു​റ​ത്തു​വ​ന്നി​രു​ന്നു. ഒ​ന്നാം തീ​യ​തി​യി​ലെ ഡ്രൈ​ഡേ അ​ട​ക്കം മ​ദ്യ​ന​യം അ​നു​കൂ​ല​മാ​യി മാ​റ്റാ​ന്‍ ഓ​രോ ബാ​റു​ട​മ​യും 2.5 ല​ക്ഷം രൂ​പ വീ​തം ന​ല്‍​ക​ണ​മെ​ന്നാ​യി​രു​ന്നു സ​ന്ദേ​ശം. സം​സ്ഥാ​ന പ്ര​സി​ഡ​ന്‍റ് ആ​വ​ശ്യ​പ്പെ​ട്ട​ത​നു​സ​രി​ച്ചാ​ണ് പ​ണ​പ്പി​രി​വെ​ന്നും സ​ന്ദേ​ശ​ത്തി​ലു​ണ്ട്.

എ​ന്നാ​ല്‍ ആ​രോ​പ​ണം സു​നി​ല്‍ കു​മാ​ര്‍ ത​ള്ളി. സം​ഘ​ട​ന​യു​ടെ ഏ​ഴൂ​വ​ര്‍​ഷ​മാ​യി പ്ര​സി​ഡ​ന്‍റാ​യി താ​ന്‍ തു​ട​രു​ക​യാ​ണ്. ആ​ദ്യ​മാ​യാ​ണ് ഇ​ങ്ങ​നെ ഒ​രു ആ​രോ​പ​ണം ഉ​യ​രു​ന്ന​ത്. ഒ​ന്നാം പി​ണ​റാ​യി സ​ര്‍​ക്കാ​ര്‍ വ​ന്ന​പ്പോ​ഴാ​ണ് പൂ​ട്ടി​യ ബാ​റു​ക​ള്‍ തു​റ​ന്ന​ത്. ആ ​സ​മ​യ​ത്ത് നിര​വ​ധി പ്ര​ശ്‌​ന​ങ്ങ​ളു​ണ്ടാ​യി. അ​പ്പോ​ഴൊ​ന്നും ഒ​രു ച​ര്‍​ച്ച​യും ഉ​ണ്ടാ​യി​ട്ടി​ല്ല. അ​പ്പോ​ഴ​ല്ലേ ച​ര്‍​ച്ച​യു​ണ്ടാ​കേ​ണ്ടി​യി​രു​ന്ന​ത​തെ​ന്നും അ​ദ്ദേ​ഹം ചോ​ദി​ച്ചു.

പു​തി​യ മ​ദ്യ​ന​യ​ത്തി​ന് തി​ര​ക്കി​ട്ട ച​ര്‍​ച്ച​ക​ള്‍ ന​ട​ക്കു​ന്ന​തി​നി​ടെ​യാ​ണ് പ​ണം ആ​വ​ശ്യ​പ്പെ​ടു​ന്ന ശ​ബ്ദ സ​ന്ദേ​ശം പു​റ​ത്ത് വന്ന​ത്. സ​ന്ദേ​ശം വിവാദമായതോടെ സർക്കാരിനെതിരേ പ്രതിപക്ഷം രംഗത്തെത്തി. സം​സ്ഥാ​ന​ത്ത് പു​തി​യ മ​ദ്യ​ന​യം ന​ട​പ്പി​ലാ​ക്കു​ന്ന​തി​ന് പി​ന്നി​ല്‍ 25 കോ​ടി രൂ​പ​യു​ടെ വ​മ്പ​ന്‍ അ​ഴി​മ​തി​യെ​ന്ന് കെ​പി​സി​സി പ്ര​സി​ഡ​ന്‍റ് കെ.​സു​ധാ​ക​ര​ന്‍ ആരോപിച്ചു. എ​ക്‌​സൈ​സ് മ​ന്ത്രി എം.​ബി. രാജേഷ് രാ​ജി​വ​യ്ക്ക​ണ​മെ​ന്നും സു​ധാ​ക​ര​ന്‍ ആ​വ​ശ്യ​പ്പെ​ട്ടു.

അതേ സമയം, മ​ദ്യ​ന​യ​ത്തി​ന്‍റെ പേ​രി​ല്‍ പ​ണം ആ​വ​ശ്യ​പ്പെ​ട്ടു​കൊ​ണ്ടു​ള്ള ബാ​ര്‍ ഉ​ട​മ​ക​ളു​ടെ സം​ഘ​ട​നാ നേ​താ​വി​ന്‍റെ ശ​ബ്ദ​രേ​ഖ സ​ര്‍​ക്കാ​ര്‍ ഗൗ​ര​വ​ത്തോ​ടെ കാ​ണു​ന്നെ​ന്ന് എം.​ബി.​രാ​ജേ​ഷ് പ്ര​തി​ക​രി​ച്ചു. വി​ഷ​യ​ത്തി​ല്‍ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്നും അദ്ദേഹം പറഞ്ഞു.