മൃതദേഹവുമായുള്ള പ്രതിഷേധം കുടുംബത്തിന്റെ അനുമതിയോടെയല്ല: ഇന്ദിരയുടെ സഹോദരന്
Tuesday, March 5, 2024 9:20 AM IST
ഇടുക്കി: കാട്ടാനയുടെ ആക്രമണത്തില് കൊല്ലപ്പെട്ട ഇന്ദിരയുടെ മൃതദേഹവുമായി കോതമംഗലത്ത് നടത്തിയ പ്രതിഷേധം കുടുംബത്തിന്റെ അനുമതിയോടെയല്ലെന്ന ആരോപണവുമായി സഹോദരന് സുരേഷ്. വിഷയം രാഷ്ട്രീയവത്ക്കരിച്ചതിനോട് യോജിപ്പില്ലെന്നും അദ്ദേഹം പ്രതികരിച്ചു.
പ്രതിഷേധത്തോട് യോജിപ്പില്ലെന്നും മൃതദേഹം വിട്ടുകിട്ടണമെന്നും കുടുംബം ജില്ലാ കലക്ടറോട് ആവശ്യപ്പെട്ടിരുന്നു. ഇതേ തുടര്ന്നാണ് പോലീസ് നടപടി ഉണ്ടായതെന്നും അദ്ദേഹം പറഞ്ഞു.
അതേസമയം കോതമംഗലത്തെ പ്രതിഷേധത്തിൽ മാത്യു കുഴല്നാടന് എംഎല്എയ്ക്കും എറണാകുളം ഡിസിസി പ്രസിഡന്റ് മുഹമ്മദ് ഷിയാസിനും എതിരേ ജാമ്യമില്ല വകുപ്പുപ്രകാരം പോലീസ് കേസെടുത്തിട്ടുണ്ട്.
ഐപിസി 143, 147, 353, 454, 149, 297 എന്നീ വകുപ്പുകളാണ് ചുമത്തിയത്. ഔദ്യോഗിക കൃത്യ നിർവഹണത്തിന് തടസം സൃഷ്ടിച്ചതിനും ഉദ്യോഗസ്ഥരെ ആക്രമിച്ചതിനും കേസെടുത്തു. തിങ്കളാഴ്ച രാത്രി ഇരുവരെയും പോലീസ് അറസ്റ്റ് ചെയ്തിരുന്നു.