വയനാടിന് പകരം റായ്ബറേലി; രാഹുല് തീരുമാനിക്കും
Saturday, March 2, 2024 10:30 AM IST
ന്യൂഡല്ഹി: സിറ്റിംഗ് സീറ്റായ വയനാട്ടില് രാഹുല് ഗാന്ധി മത്സരിച്ചേക്കില്ലെന്ന് സൂചന. പകരം ഉത്തര്പ്രദേശിലെ റായ്ബറേലിയില് നിന്ന് ജനവിധി തേടിയേക്കും. മണ്ഡലത്തിന്റെ കാര്യത്തില് തീരുമാനമെടുക്കാന് കോണ്ഗ്രസ് ദേശീയ നേതൃത്വം രാഹുല്ഗാന്ധിയോട് ആവശ്യപ്പെട്ടിരുന്നു
നേരത്തെ, രാഹുല് വയനാട്ടില് മത്സരിക്കുന്നതില് ഇന്ത്യ മുന്നണിയിലെ ഇടത് കക്ഷികള് എതിര്പ്പറിയിച്ചിരുന്നു. ഇതോടെ കര്ണാടകയിലെയും തെലങ്കാനയിലെയും ചില സീറ്റുകള് പരിഗണനയിലുണ്ടെന്ന വാര്ത്തകള് വന്നിരുന്നു.നിലവിൽ ഉത്തര്പ്രദേശിലെ റായ്ബറേലിയില് നിന്ന് രാഹുല് മത്സരിച്ചേക്കാമെന്ന വിവരം പുറത്തുവരുന്നുണ്ട്.
എന്നാല് വയനാട് ലോക്സഭാ സീറ്റില് രാഹുല് ഗാന്ധി തന്നെ മത്സരിക്കണമെന്നാണ് കെപിസിസിയുടെ ആവശ്യം. കഴിഞ്ഞ തവണത്തെ ലോക്സഭാ തെരഞ്ഞെടുപ്പ് വിജയം ആവര്ത്തിക്കാന് ഇത് സഹായിക്കുമെന്ന് കേരളത്തിലെ കോണ്ഗ്രസ് നേതാക്കള് ചൂണ്ടിക്കാട്ടുന്നു.