സിദ്ധാര്ഥന്റെ മരണം; നാല് പ്രതികള്ക്കായി ലുക്ക് ഔട്ട് നോട്ടീസ് പുറത്തിറക്കി
Saturday, March 2, 2024 9:30 AM IST
വയനാട്: പൂക്കോട് വെറ്ററിനറി സര്വകലാശാലയിലെ വിദ്യാർഥി സിദ്ധാര്ഥന്റെ മരണത്തില് നാല് പ്രതികള്ക്കായി ലുക്ക് ഔട്ട് നോട്ടീസ്. കേസില് ആദ്യം പ്രതിചേര്ക്കപ്പെട്ട സൗദ് റസാന്, കാശിനാഥന്, അജയ് കുമാര്, സിന്ജോ ജോണ്സണ് എന്നിവര്ക്കെതിരെയാണ് പോലീസ് ലുക്ക് ഔട്ട് നോട്ടീസ് പുറത്തിറക്കിയത്.
സംഭവം ആസൂത്രണം ചെയ്തതില് പ്രധാന പങ്ക് വഹിച്ച ആളാണ് പിടിയിലാകാനുള്ള സിന്ജോ. 18 പേരെ പ്രതി ചേർത്തിട്ടുള്ള കേസിൽ ഇതുവരെ 11 പേരാണ് അറസ്റ്റിലായിട്ടുള്ളത്.
അതേസമയം സിദ്ധാര്ഥനെ ആക്രമിച്ച 19 വിദ്യാര്ഥികള്ക്ക് സര്വകലാശാല മൂന്ന് വര്ഷത്തെ പഠന വിലക്ക് ഏര്പ്പെടുത്തി. രാജ്യത്തെ അംഗീകൃത സ്ഥാപനങ്ങളില് ഇവര്ക്ക് പഠനം സാധ്യമാകില്ലെന്ന് സര്വകലാശാല അധികൃതർ പറഞ്ഞു.
കഴിഞ്ഞ പതിനെട്ടിനാണ് സിദ്ധാർഥനെ ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ കണ്ടെത്തിയത്. പോസ്റ്റ്മോർട്ടം റിപ്പോർട്ടിലാണ് ഇയാൾ ക്രൂരമർദനത്തിന് ഇരയായ വിവരം പുറത്തുവന്നത്.
ഫെബ്രുവരി 14ന് വാലന്റൈൻസ്ഡേ ദിനത്തിലാണ് സിദ്ധാർഥ് ആക്രമണത്തിനിരയായത്. സീനിയർ വിദ്യാർഥികളോടൊപ്പം നൃത്തം ചെയ്തതിനായിരുന്നു മർദനം.