വനിതാ ഐപിഎൽ; ആര്സിബിക്ക് ആദ്യ തോല്വി
Friday, March 1, 2024 1:07 AM IST
ബംഗളൂരു: വനിതാ ഐപിഎല്ലില് റോയല് ചലഞ്ചേഴ്സ് ബംഗളൂരുവിന് ആദ്യ തോല്വി. ബംഗളൂരു ചിന്നസ്വാമി സ്റ്റേഡിയത്തിൽ നടന്ന മത്സരത്തിൽ 25 റൺസിനാണ് ഡൽഹി ക്യാപിറ്റൽസ് തങ്ങളുടെ വിജയം ആഘോഷിച്ചത്. സ്കോർ ഡൽഹി : 194/5 ബംഗളൂരു: 169/9.
ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ഡൽഹിക്കായി ഷെഫാലി വര്മ (50),അലീസ് കാപ്സി (46) എന്നിവർ മികച്ച ബാറ്റിംഗ് പുറത്തെടുത്തു. ബംഗളൂരുവിനായി സോഫി ഡിവൈൻ രണ്ടുവിക്കറ്റ് വീഴ്ത്തി.
വിജയലക്ഷ്യത്തിലേക്ക് ബാറ്റ് വീശിയ റോയൽ ചലഞ്ചേഴ്സിനായി സോഫി ഡിവൈനും സ്മൃതി മന്ദാനയും മികച്ച തുടക്കമാണ് നൽകിയത്. ആദ്യ വിക്കറ്റിൽ 77 റൺസ് പിറന്നു. സോഫി 23 റൺസെടുത്ത് ആദ്യം പുറത്തായി. 74 റൺസെടുത്ത സ്മൃതി മന്ദാന പുറത്തായതോടെയാണ് റോയൽ ചലഞ്ചേഴ്സ് മത്സരം കൈവിട്ടത്.
തുടർന്ന് വന്നവർക്ക് നിലയുറപ്പിക്കാൻ കഴിയാതെ വന്നതോടെ ആർസിബിയുടെ ഇന്നിംഗ്സ് 169 റൺസിൽ അവസാനിച്ചു. ഡൽഹിയുടെ മരിസാനി കാപ്പിനെ കളിയിലെ താരമായി തെരഞ്ഞെടു ത്തു.