കോ​ഴി​ക്കോ​ട്: തീ​ൻ​മേ​ശ​ക​ളി​ൽ നി​ന്നും ചി​ക്ക​ൻ വി​ഭ​വ​ങ്ങ​ൾ ഒ​ഴി​വാ​ക്കേ​ണ്ട സ്ഥി​തി​യി​ലേ​ക്ക് സം​സ്ഥാ​ന​ത്തെ കോ​ഴി​വി​ല നീ​ങ്ങു​ക​യാ​ണ്. നി​ല​വി​ൽ ചി​ല്ല​റ വി​പ​ണി​യി​ൽ കി​ലോ​യ്ക്ക് 240 രൂ​പ​യോ​ള​മാ​ണ് സം​സ്ഥാ​ന​ത്തെ കോ​ഴി​വി​ല എ​ത്തി​നി​ൽ​ക്കു​ന്ന​ത്. ഒ​രു മാ​സം മു​ൻ​പ് 180 രൂ​പ​യാ​യി​രു​ന്ന കോ​ഴി വി​ല​യാ​ണ് നോ​ക്കി​നി​ൽ​ക്കു​മ്പോ​ൾ കു​തി​ച്ചു​ക​യ​റു​ന്ന​ത്.

ക​ന​ത്ത ചൂ​ടി​ൽ കോ​ഴി​ക്കു​ഞ്ഞു​ങ്ങ​ൾ ച​ത്തു​പോ​കു​ന്ന​തും ഉ​ത്പാ​ദ​നം പ​കു​തി​യോ​ള​മാ​യി കു​റ​ച്ച​തു​മാ​ണ് വി​പ​ണി​യി​ലെ വി​ല​ക്ക​യ​റ്റ​ത്തി​ന് പ്ര​ധാ​ന കാ​ര​ണം. സാ​ഹ​ച​ര്യം മു​ത​ലെ​ടു​ത്ത് അ​ന്യ​സം​സ്ഥാ​ന ലോ​ബി കൃ​ത്രി​മ ക്ഷാ​മം കൂ​ടി സൃ​ഷ്ടി​ക്കു​ന്ന​തോ​ടെ സാ​ധാ​ര​ണ​ക്കാ​ര​ന് താ​ങ്ങാ​ൻ ക​ഴി​യാ​ത്ത നി​ല​യി​ലേ​ക്ക് വി​ല ഉ​യ​ർ​ന്നു.

വി​ല വ​ർ​ധി​ച്ച​തോ​ടെ ക​ച്ച​വ​ടം ഗ​ണ്യ​മാ​യി കു​റ​ഞ്ഞു​വെ​ന്നാ​ണ് ചി​ല്ല​റ വ്യാ​പാ​രി​ക​ൾ പ​റ​യു​ന്ന​ത്. വ​ൻ വി​ല​ക്ക​യ​റ്റം കാ​ര​ണം ഹോ​ട്ട​ലു​ക​ളും ചി​ക്ക​ൻ വി​ഭ​വ​ങ്ങ​ളു​ടെ വി​ല കൂ​ട്ടി​യി​ട്ടു​ണ്ട്. ഇ​തും സാ​ധാ​ര​ണ​ക്കാ​ർ​ക്ക് ക​ന​ത്ത തി​രി​ച്ച​ടി​യാ​യി. വി​ല പി​ടി​ച്ചു​നി​ർ​ത്താ​ൻ വി​പ​ണി​യി​ൽ സ​ർ​ക്കാ​ർ ഇ​ട​പെ​ട​ൽ ആ​വ​ശ്യ​മാ​ണെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്.