വനിതാ പ്രീമിയർ ലീഗ്; ബംഗളൂരുവിന് വിജയം
Tuesday, February 27, 2024 11:20 PM IST
ബംഗളൂരു: വനിതാ പ്രീമിയർ ലീഗിൽ ബംഗളൂരു റോയൽ ചലഞ്ചേഴ്സിന് വിജയം. ബംഗളൂരു ചിന്നസ്വാമി സ്റ്റേഡിയത്തില് നടന്ന മത്സരത്തില് ഗുജറാത്ത് ജയന്റ്സിനെ എട്ട് വിക്കറ്റിന് പരാജപ്പെടുത്തിയാണ് സ്മൃതി മന്ദാനയും സംഘവും രണ്ടാം വിജയം ആഘോഷിച്ചത്.
സ്കോർ: ഗുജറാത്ത് 107/7, ബംഗളൂരു 110/2 (12.3).ടോസ് നഷ്ടപ്പെട്ട് ബാറ്റിംഗിനെത്തിയ ഗുജറാത്തിന് നിശ്ചിത ഓവറില് ഏഴ് വിക്കറ്റ് നഷ്ടത്തില് 107 റണ്സെടുത്തു. മൂന്ന് വിക്കറ്റ് നേടിയ സോഫി മൊളിനെക്സാണ് ഗുജറാത്തിനെ തകര്ത്തത്.
മറുപടി ബാറ്റിംഗില് ആര്സിബി 12.3 ഓവറില് രണ്ട് വിക്കറ്റ് നഷ്ടത്തില് വിജയ റൺസ് കുറിച്ചു. ക്യാപ്റ്റന് സ്മൃതി മന്ദാന 43 റണ്സ് നേടി. ഓപ്പണര്മാരായ മന്ഥാന, സോഫി ഡിവൈന് എന്നിവരുടെ വിക്കറ്റുകള് മാത്രാണ് ആര്സിബിക്ക് നഷ്ടമായത്.
നാല് ഓവറിൽ പതിനാല് റൺസ് വിട്ടുകൊടുത്ത് രണ്ട് വിക്കറ്റുകൾ വീഴ്ത്തിയ ആർസിബിയുടെ രേണുക സിംഗിനെ കളിയിലെ താരമായി തെരഞ്ഞെടുത്തു.