അമേരിക്കയിൽ അപ്പാർട്ട്മെന്‍റിൽ തീപിടിത്തം; ഇന്ത്യൻ പൗരന് ദാരുണാന്ത്യം |

Click here for detailed news of all items

അമേരിക്കയിൽ അപ്പാർട്ട്മെന്‍റിൽ തീപിടിത്തം; ഇന്ത്യൻ പൗരന് ദാരുണാന്ത്യം

Sunday, February 25, 2024 10:47 AM IST

വാഷിംഗ്ടൺ ഡിസി: അമേരിക്കയിൽ അപ്പാർട്ട്മെന്‍റിലുണ്ടായ തീപിടിത്തത്തിൽ ഇന്ത്യക്കാരനായ യുവാവിന് ദാരുണാന്ത്യം. ഇന്ത്യൻ പൗരനായ ഫാസിൽ ഖാൻ(27)ആണ് മരിച്ചതെന്ന് ന്യൂയോർക്കിലെ ഇന്ത്യൻ എംബസി അറിയിച്ചു.

ന്യുയോർക്കിലെ ഹേരലമിലെ അപ്പാർട്ട്മെന്‍റ് കെട്ടിടത്തിലാണ് തീപിടിത്തമുണ്ടായത്. ലിഥിയം അയോൺ ബാറ്ററി പൊട്ടിത്തെറിച്ചതാണ് അപകടകാരണം. മൃതദേഹം നാട്ടിലേക്ക് കൊണ്ടുപോകുന്നതിനുള്ള സാധ്യമായ എല്ലാ സഹായവും നൽകുമെന്നും അമേരിക്കയിലെ ഇന്ത്യൻ എംബസി അറിയിച്ചിട്ടുണ്ട്.

വെള്ളിയാഴ്ചയായിരുന്നു സംഭവം. 17 പേർക്ക് പരിക്കേറ്റു. ആറ് നിലകളുള്ള കെട്ടിടത്തിന്‍റെ മൂന്നാം നിലയിലാണ് തീപിടിച്ചത്. തുടർന്ന് മറ്റ് നിലകളിലേക്കും തീ പടർന്നു പിടിച്ചു. കെട്ടിടത്തിൽ കുടുങ്ങിപ്പോയ പലരും ജനലുകളിലൂടെ ചാടിയാണ് രക്ഷപ്പെട്ടത്.

അഗ്നിശമന സേനാ അംഗങ്ങള്‍ക്കും കെട്ടിടത്തിൽ നേരിട്ട് പ്രവേശിക്കാനോ ആളുകളെ താഴേക്ക് കൊണ്ടുവരാനോ സാധിച്ചില്ല. തുടർന്ന് റോപ്പുകളിലൂടെ ആളുകളെ താഴേക്ക് ഇറക്കുകയായിരുന്നു. പരിക്കേറ്റവരിൽ നാല് പേരുടെ നില ഗുരുതരമാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.