സതീശനോട് ദേഷ്യമില്ല, തങ്ങള് ജ്യേഷ്ഠാനുജന്മാരെപ്പോലെ: സുധാകരന്
Saturday, February 24, 2024 3:40 PM IST
ആലപ്പുഴ: വാര്ത്താസമ്മേളന വിവാദത്തില് പ്രതികരണവുമായി കെപിസിസി പ്രസിസന്റ് കെ.സുധാകരന്. പ്രതിപക്ഷ നേതാവിനോട് തനിക്ക് ഒരു ദേഷ്യവുമില്ലെന്ന് സുധാകരന് പ്രതികരിച്ചു.
തങ്ങള്ക്കിടയില് ഒരു അഭിപ്രായ ഭിന്നതയും ഇല്ല, തങ്ങള് ജ്യേഷ്ഠാനുജന്മാരെപ്പോലെയാണ്. എന്നാല് മാധ്യമങ്ങളോട് മര്യാദ കാണിച്ചില്ലെന്ന് തോന്നി, അതാണ് താന് പറഞ്ഞത്. സതീശനെ കാര്യങ്ങള് ബോധ്യപ്പെടുത്തിയെന്നും സുധാകരന് പറഞ്ഞു.
വിവാദമുണ്ടാക്കിയത് മാധ്യമങ്ങളാണ്.യാഥാര്ഥ്യവുമായി നിരക്കാത്ത പ്രചാരണങ്ങളാണ് മാധ്യമങ്ങള് നടത്തുന്നതെന്നും സുധാകരന് അവകാശപ്പെട്ടു.
പ്രതിപക്ഷ നേതാവ് ആലപ്പുഴയിലെ വാര്ത്താസമ്മേളനത്തിന് എത്താന് വൈകിയതോടെയാണ് കെപിസിസി പ്രസിഡന്റ് കെ.സുധാകരൻ മാധ്യമങ്ങളുടെ മുന്നിൽവച്ച് നീരസം പരസ്യമാക്കിയത്.
മാധ്യമപ്രവര്ത്തകരെ വിളിച്ചുവരുത്തിയിട്ട് പ്രതിപക്ഷ നേതാവ് എവിടെപ്പോയെന്ന് സുധാകരന് ചോദിച്ചു. ഇയാളെവിടെപ്പോയെന്ന് ചോദിച്ച സുധാകരൻ മാധ്യമങ്ങൾക്ക് മുന്നിൽവച്ച് അസഭ്യവാക്കും പറഞ്ഞു. പിന്നീട് ചാനല് മൈക്കുകളും കാമറകളും ഓണാണെന്ന് പറഞ്ഞ് ഒപ്പമുണ്ടായിരുന്നവര് സുധാകരനെ കൂടുതല് സംസാരിക്കുന്നതില്നിന്ന് തടയുകയായിരുന്നു.
സംഭവത്തിൽ പ്രതിപക്ഷ നേതാവ് വി.ഡി.സതീശന് എഐസിസി നേതൃത്വത്തെ പ്രതിഷേധം അറിയിച്ചു. പ്രശ്നങ്ങള് പരിഹരിക്കാമെന്ന് സതീശന് നേതൃത്വം ഉറപ്പ് നല്കിയതായാണ് വിവരം.