സ്ഥാനാര്‍ഥികളുടെ സാധ്യതാപട്ടിക പുറത്തുവിട്ട് ബിജെപി; എറണാകുളത്ത് സാബു ജേക്കബും പരിഗണനയില്‍ |

Click here for detailed news of all items

സ്ഥാനാര്‍ഥികളുടെ സാധ്യതാപട്ടിക പുറത്തുവിട്ട് ബിജെപി; എറണാകുളത്ത് സാബു ജേക്കബും പരിഗണനയില്‍

Saturday, February 24, 2024 1:29 PM IST

തിരുവനന്തപുരം: ലോക്‌സഭാ തെരഞ്ഞെടുപ്പിലെ സ്ഥാനാര്‍ഥികളുടെ സാധ്യതാപട്ടിക പുറത്തുവിട്ട് ബിജെപി. തിരുവനന്തപുരത്ത് കേന്ദ്രമന്ത്രി രാജീവ് ചന്ദ്രശേഖറും കുമ്മനം രാജശേഖരനുമാണ് പരിഗണനയിലുള്ളത്.

പത്തനംതിട്ടയില്‍ പി.സി.ജോര്‍ജ്ജിന്‍റെയും ഷോണ്‍ ജോര്‍ജ്ജിന്‍റെയും കുമ്മനം രാജശേഖരന്‍റെയും പേരുകള്‍ പരിഗണിക്കുന്നുണ്ട്. എറണാകുളത്ത് അനില്‍ ആന്‍റണിയും കിറ്റക്‌സ് എംഡി സാബു ജേക്കബുമാണ് പരിഗണനയിലുള്ളത്.

ചാലക്കുടി മണ്ഡലത്തില്‍ മേജര്‍ രവി, എ.എന്‍ രാധാകൃഷ്ണന്‍, ബി .ഗോപാലകൃഷ്ണന്‍ എന്നിവരാണ് പരിഗണനയിലുള്ളത്. ആലപ്പുഴ മണ്ഡലത്തില്‍ അനില്‍ ആന്‍റണിക്കൊപ്പം കൊല്ലപ്പെട്ട രഞ്ജിത് ശ്രീനിവാസന്‍റെ ഭാര്യ ലിഷ രഞ്ജിത്തിന്‍റെ പേരും സാധ്യതാ പട്ടികയിലുണ്ട്.

കണ്ണൂര്‍ മണ്ഡലത്തില്‍ സി.രഘുനാഥ് മത്സരിച്ചേക്കും. കോഴിക്കോട് മണ്ഡലത്തില്‍ എം.ടി രമേശ്, ശോഭാ സുരേന്ദ്രന്‍, പ്രഫുല്‍ കൃഷ്ണന്‍ എന്നിവരെ പരിഗണിക്കുന്നുണ്ട്.

പി.കെ.കൃഷ്ണദാസിന്‍റെ പേരാണ് കാസര്‍ഗോഡ് മണ്ഡലത്തില്‍ പരിഗണിക്കുന്നത്. തൃശൂരില്‍ സുരേഷ് ഗോപിയും ആറ്റിങ്ങലില്‍ വി.മുരളീധരനും സീറ്റ് ഉറപ്പിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.