ചിപ്സ് കടയ്ക്ക് തീപിടിച്ച് ഒരാള് മരിച്ചു; രണ്ടുപേർക്ക് പൊള്ളലേറ്റു
Saturday, February 17, 2024 7:43 PM IST
തിരുവനന്തപുരം: കൈതമുക്കില് പ്രവർത്തിക്കുന്ന ചിപ്സ് കടയ്ക്ക് തീപിടിച്ച് ഒരാള് മരിച്ചു. രണ്ടുപേർക്ക് ഗുരുതരമായി പൊള്ളലേറ്റു. വൈകുന്നേരം നാലിനുണ്ടായ തീപിടിത്തത്തിൽ കടയുടമ അപ്പു ആചാരി (81 ) ആണ് മരിച്ചത്.
കണ്ണൻ എന്നയാള്ക്കും മറ്റൊരാള്ക്കും ഗുരുതരമായി പൊള്ളലേറ്റു. ഗ്യാസ് സിലിണ്ടറില് ചോര്ച്ചയുണ്ടായതാണ് തീ പടരാൻ കാരണമെന്നാണ് സംശയിക്കുന്നത്. ഫയര്ഫോഴ്സെത്തിയാണ് തീ അണച്ചത്. തീപിടിച്ചയുടനെ ഗ്യാസ് സിലിണ്ടറുകള് പുറത്തേക്ക് മാറ്റയതിനാൽ വൻ ദുരന്തം ഒഴിവായി.
കൂടുതല് പരിശോധനയ്ക്കുശേഷമെ അപകട കാരണത്തെക്കുറിച്ച് അറിയാൻ കഴിയുകയുള്ളൂവെന്ന് ഫയര്ഫോഴ്സ് അറിയിച്ചു. അപ്പു ആചാരിയുടെ മൃതദേഹം പോസ്റ്റുമോർട്ടത്തിനായി ആശുപത്രിയിലേക്ക് മാറ്റി.