തിരുവല്ലത്തെ ഷഹാനയുടെ ആത്മഹത്യ: ഭർത്താവും മാതാപിതാക്കളും അറസ്റ്റിൽ
Tuesday, January 23, 2024 3:52 PM IST
തിരുവനന്തപുരം: തിരുവല്ലത്ത് ഷഹാന ജീവനൊടുക്കിയ സംഭവത്തിൽ പ്രതികളായ മൂന്നു പേർ പിടിയിൽ. ഭർത്താവ് നൗഫൽ, ഭർത്താവിന്റെ അച്ഛൻ സജിം, ഭർതൃ മാതാവ് സുനിത എന്നിവരെയാണ് അറസ്റ്റിലായത്. തിരുവനന്തപുരം കണ്ടലയില് നിന്നാണ് ഇരുവരെ അറസ്റ്റ് ചെയ്തത്.
ഭർതൃ വീട്ടിലെ പീഡനത്തെ തുടർന്നാണ് ഷഹാന ജീവനൊടുക്കിയത്. പ്രതികൾ ഒരു മാസമായി ഒളിവിലായിരുന്നു. ഇവർക്ക് പോലീസ് സംരക്ഷണം നൽകിയെന്ന് ആരോപണമുയർന്നിരുന്നു. നേരത്തെ കേസിൽ പ്രതികളെ സഹായിക്കാൻ ശ്രമിച്ച പോലീസ് ഉദ്യോഗസ്ഥനെ സർവീസിൽ നിന്നും സസ്പെൻഡ് ചെയ്തിരുന്നു.
ഷഹാനയുടെ കുടുംബത്തിന്റെ പരാതിയിൽ തിരുവല്ലം പോലീസ് കേസെടുത്ത് അന്വേഷണം ആരംഭിച്ചത്. 2020ലായിരുന്നു നൗഫൽ-ഷഹാന ദമ്പതികളുടെ വിവാഹം. ഡിസംബര് 26-നാണ് ഷഹാന ഷാജിയെ വണ്ടിത്തടത്തെ സ്വന്തം വീട്ടില് തൂങ്ങിമരിച്ചനിലയില് കണ്ടത്.