സ​മാ​ധാ​നാ​ന്ത​രീ​ക്ഷം ത​ക​ര്‍​ത്തു; ബി​ഗ്‌​ബോ​സ് വിജയി അറസ്റ്റിൽ

Click here for detailed news of all items

സമാധാനാന്തരീക്ഷം തകര്‍ത്തു; ബിഗ്‌ബോസ് വിജയി അറസ്റ്റിൽ

Thursday, December 21, 2023 12:27 PM IST

ഹൈദരാബാദ്: തെലുങ്ക് ബിഗ്‌ബോസ് ഏഴാം സീസണ്‍ വിജയി പല്ലവി പ്രശാന്തിനെ അറസ്റ്റ് ചെയ്ത് പോലീസ്. സമാധാനാന്തരീക്ഷം തകര്‍ത്തു എന്ന കുറ്റം ചുമത്തിയാണ് താരത്തെ അറസ്റ്റ് ചെയ്തിരിക്കുന്നത്.

ബിഗ്‌ബോസില്‍ വിജയിയായതിനു പിന്നാലെ തിങ്കളാഴ്ച രാത്രിയില്‍ അന്നപൂര്‍ണ സ്റ്റുഡിയോയ്ക്കു സമീപം ഇയാളുടെ ആരാധകര്‍ നടത്തിയ ആഘോഷപ്രകടനത്തെത്തുടര്‍ന്നുണ്ടായ സംഭവവികാസങ്ങളാണ് അറസ്റ്റിലേക്ക് നയിച്ചത്.

ഇതേക്കുറിച്ച് പോലീസ് പറയുന്നതിങ്ങനെ...ബിഗ്‌ബോസില്‍ പ്രശാന്തിനെ വിജയിയായി പ്രഖ്യാപിച്ചതിനു പിന്നാലെ അന്നപൂര്‍ണ സ്റ്റുഡിയോയുടെ സമീപത്ത് തടിച്ചു കൂടിയ ഇയാളുടെ ആരാധകര്‍ വമ്പിച്ച ആഘോഷ പ്രകടനം നടത്തുകയും അവിടെ പാര്‍ക്ക് ചെയ്തിരുന്ന ഷോയിലെ റണ്ണറപ്പായ അമര്‍ദീപ് ചൗധരിയുടെ കാര്‍ അടിച്ചു തകര്‍ക്കുകയുമായിരുന്നു.

ഇതേത്തുടര്‍ന്ന് പ്രശാന്തിനും അയാളുടെ ആരാധകര്‍ക്കും എതിരേ നിയമവിരുദ്ധ പ്രവര്‍ത്തനത്തിനും നശീകരണത്തിനും കേസ് രജിസ്റ്റര്‍ ചെയ്യുകയായിരുന്നുവെന്ന് ജൂബിഹില്‍സ് പോലീസ് എസ്‌ഐ ചന്ദ്രശേഖര്‍ പറഞ്ഞു. കസ്റ്റഡിയിലെടുത്തവരെ ചോദ്യം ചെയ്യലിനായി ജൂബി ഹില്‍സ് പോലീസ് സ്‌റ്റേഷനിലേക്ക് എത്തിച്ചിട്ടുണ്ട്.

ഡിസംബര്‍ 17 ഞായറാഴ്ചയാണ് പല്ലവി പ്രശാന്തിനെ വിജയിയായി പ്രഖ്യാപിച്ചു കൊണ്ട് തെലുങ്ക് ബിഗ്‌ബോസ് സീസണ്‍ ഏഴിന് സമാപനമായത്. അതിനു പിന്നാലെയായിരുന്നു ആക്രമസംഭവങ്ങള്‍.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.