വോട്ടെണ്ണലിനിടയിലെ സന്ദര്ശനം; തെലുങ്കാന ഡിജിപിയുടെ സസ്പെന്ഷന് തെരഞ്ഞെടുപ്പ് കമ്മീഷന് പിന്വലിച്ചു
Tuesday, December 12, 2023 12:56 PM IST
ഹൈദരാബാദ്: തെലുങ്കാന ഡിജിപി അഞ്ജനി കുമാറിന്റെ സസ്പെന്ഷന് തെരഞ്ഞെടുപ്പ് കമ്മീഷന് പിന്വലിച്ചു. മാതൃകാ പെരുമാറ്റച്ചട്ടം ലംഘിച്ചുവെന്നാരോപിച്ചായിരുന്ന സസ്പെന്ഡ് ചെയ്തത്.
നിയമസഭാ തെരഞ്ഞെടുപ്പിനിടെ ഇദ്ദേഹം കോണ്ഗ്രസ് നേതാവും നിലവില് മുഖ്യമന്ത്രിയുമായ രേവന്ത് റെഡ്ഡിക്ക് ആശംസനേര്ന്ന് അദ്ദേഹത്തിന്റെ വസതിയില് എത്തിയിരുന്നു.ഡിജിപി രേവന്ത് റെഡ്ഡിക്ക് പൂച്ചെണ്ട് കെെമറുന്ന ചിത്രങ്ങള് സമൂഹ മാധ്യമങ്ങളില് എത്തിയത് വലിയ വിമര്ശനങ്ങള്ക്ക് വഴിവെച്ചിരുന്നു.
അഞ്ജനി കുമാറിന്റെ സസ്പെന്ഷനെ തുടര്ന്ന് മുതിര്ന്ന ഐപിഎസ് ഉദ്യോഗസ്ഥന് രവി ഗുപ്തയ്ക്ക് തെലുങ്കാന ഡിജിപിയുടെ അധിക ചുമതല നല്കിയിരുന്നു.