യുവ ഡോക്ടറുടെ ആത്മഹത്യ; റുവൈസിനെ സസ്പെൻഡ് ചെയ്തു
Thursday, December 7, 2023 12:40 PM IST
തിരുവനന്തപുരം: യുവ ഡോക്ടർ ഷഹന ആത്മഹത്യ ചെയ്ത സംഭവത്തിൽ സുഹൃത്തും പിജി വിദ്യാർഥിയുമായ ഡോ. റുവൈസിനെ സസ്പെന്ഡ് ചെയ്തു. സംഭവം ഗൗരവതരമാണെന്നും ഇത് ഒരുതരത്തിലും അംഗീകരിക്കാന് കഴിയില്ലെന്നും ആരോഗ്യ മന്ത്രി വീണാ ജോര്ജ് പറഞ്ഞു.
വനിതാ ശിശുവികസന വകുപ്പ് ഡയറക്ടറുടെ റിപ്പോർട്ടിന്റെ അടിസ്ഥാനത്തിലാണ് തിരുവനന്തപുരം മെഡിക്കല് കോളജ് പ്രിന്സിപ്പല് ഡോക്ടർ റുവൈസിനെ സസ്പെന്ഡ് ചെയ്തത്.
നേരത്തെ, സംഭവത്തില് അന്വേഷണം നടത്തി കര്ശന നടപടി സ്വീകരിക്കാന് മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും വനിത ശിശുവികസന വകുപ്പ് ഡയറക്ടര്ക്കും മന്ത്രി വീണാ ജോര്ജ് നിര്ദേശം നല്കിയിരുന്നു.
അതേസമയം, റുവൈസിനെ പോലീസ് കസ്റ്റഡിയിലെടുത്തു. ഒളിവിൽ കഴിയുന്നതിനിടെ കരുനാഗപ്പള്ളിയിലെ ബന്ധുവിന്റെ വീട്ടിൽനിന്നാണ് ഇയാളെ പിടികൂടിയത്.