മധ്യപ്രദേശില് ബിജെപി അധികാരത്തിലെത്തുമെന്ന് എപ്പോഴേ പറഞ്ഞതാണ്: പ്രഹ്ലാദ് സിംഗ്
Sunday, December 3, 2023 11:18 AM IST
ഭോപ്പാല്: മധ്യപ്രദേശില് ബിജെപി അധികാരത്തിലെത്തുമെന്ന് എപ്പോഴേ പറഞ്ഞതാണെന്ന് കേന്ദ്രമന്ത്രിയും ബിജെപി സ്ഥാനാര്ഥിയുമായ പ്രഹ്ലാദ് സിംഗ് പട്ടേല്. മധ്യപ്രദേശില് ബിജെപി വ്യക്തമായ ലീഡുയര്ത്തിയതിന് പിന്നാലെയായിരുന്നു പ്രതികരണം.
തെരഞ്ഞെടുപ്പില് കഴിഞ്ഞ തവണത്തേക്കാള് മികച്ച പ്രകടനം കാഴ്ചവെക്കുമെന്ന് താന് നേരത്തെ പറഞ്ഞതാണ്. നാല് സംസ്ഥാനങ്ങളില് നിന്നും വരുന്ന സൂചനകള് താന് പറഞ്ഞത് തെളിയിക്കുന്നു. കമല്നാഥ് നയിച്ച കോണ്ഗ്രസിന്റെ തോല്വിയെ കുറിച്ച് ഇനി ചര്ച്ച ചെയ്യാമെന്നും അദ്ദേഹം പ്രതികരിച്ചു.
നര്സിംഗ്പൂരിലെ ബിജെപി സ്ഥാനാര്ഥിയായാണ് പ്രഹ്ലാദ് സിംഗ് ജനവിധി തേടിയത്. എതിര് സ്ഥാനാര്ത്ഥിയും കോണ്ഗ്രസ് നേതാവുമായ ലഖന് സിംഗ് പട്ടേലിനെതിരേ ആദ്യഘട്ടം മുതല് അദ്ദേഹം ലീഡ് നിലനിര്ത്തിയിരുന്നു.
മധ്യപ്രദേശില് നിലവില് 159 സീറ്റുകളിലാണ് ബിജെപി ലീഡ് ചെയ്യുന്നത്. കോണ്ഗ്രസ്-67, മറ്റുള്ളവര് നാല് എന്നിങ്ങനെയാണ് ലീഡ് നില.