തെലുങ്കാനയില് വോട്ടെടുപ്പ് പുരോഗമിക്കുന്നു; രാവിലെ 11 വരെ 20.64 ശതമാനം പോളിംഗ്
Thursday, November 30, 2023 1:43 PM IST
ഹൈദരാബാദ്: നിയമസഭാ തെരഞ്ഞെടുപ്പ് നടക്കുന്ന തെലുങ്കാനയില് വോട്ടെടുപ്പ് പുരോഗമിക്കുന്നു. രാവിലെ 11 വരെ 20.64 ശതമാനം പോളിംഗ് രേഖപ്പെടുത്തി.
രാവിലെ ഏഴിനാണ് വോട്ടെടുപ്പ് ആരംഭിച്ചത്. 106 മണ്ഡലങ്ങളില് വൈകുന്നേരം അഞ്ചുവരെയും 13 പ്രശ്നബാധിത പ്രദേശങ്ങളില് വൈകുന്നേരം നാല് വരെയുമാണ് പോളിംഗ് നടക്കുക.
ഉച്ചയ്ക്ക് 12ഓടെ മുഖ്യമന്ത്രി കെ.ചന്ദ്രശേഖര റാവുവും ഭാര്യ ശോഭാ റാവുവും ചിന്താമാടക്കയിലെ പോളിംഗ് ബൂത്തില് വോട്ട് ചെയ്യാനെത്തി. ബിജെപി സംസ്ഥാന അധ്യക്ഷനും കേന്ദ്രമന്ത്രിയുമായ ജി.കിഷന് റെഡ്ഡി, ജൂബിലി ഹില്സിലെ കോണ്ഗ്രസ് സ്ഥാനാര്ഥിയും മുന് ഇന്ത്യന് ക്രിക്കറ്റ് ക്യാപ്റ്റനുമായ മുഹമ്മദ് അസറുദീനും രാവിലെ തന്നെ വോട്ട് രേഖപ്പെടുത്തി.
തെലുങ്ക് താരങ്ങളായ അല്ലു അര്ജുന്, ചിരഞ്ജീവി, നാഗാര്ജുന തുടങ്ങിയവരും സംവിധായകന് എസ്.എസ്.രാജമൗലി, ഓസ്കര് ജേതാവ് കീരവാണി എന്നിവരും വോട്ട് ചെയ്ത് മടങ്ങി.
119 നിയമസഭാ സീറ്റുകളിലേക്കായി 2,290 സ്ഥാനാര്ഥികളാണ് സംസ്ഥാനത്ത് ജനവിധി തേടുന്നത്. ബിആര്എസ്, ബിജെപി, കോണ്ഗ്രസ് പാര്ട്ടികള് തമ്മിലാണ് പ്രധാന മത്സരം.
രാജസ്ഥാന്, മധ്യപ്രദേശ്, ഛത്തീസ്ഗഡ്, മിസോറാം എന്നീ സംസ്ഥാനങ്ങളോടൊപ്പം തെലുങ്കാനയിലെ ഫലം ഡിസംബര് മൂന്നിന് പ്രഖ്യാപിക്കും.