രാഹുൽ ഗാന്ധി ഉദ്ഘാടനം ചെയ്യാനിരുന്ന റോഡുകൾ ഉദ്ഘാടനം ചെയ്ത് പി.വി. അൻവർ
Wednesday, November 29, 2023 9:47 AM IST
മലപ്പുറം: നിലമ്പൂരിൽ രാഹുൽ ഗാന്ധി എംപി ഉദ്ഘാടനം ചെയ്യാനിരുന്ന റോഡുകൾ പി.വി. അൻവർ എംഎൽഎ ഉദ്ഘാടനം ചെയ്തു. ഇന്ന് വൈകിട്ട് രാഹുൽ ഗാന്ധി ഉദ്ഘാടനം ചെയ്യാനിരുന്ന നിലമ്പൂരിലെ പിഎംജിഎസ്വൈ റോഡുകളുടെ നിര്മാണോദ്ഘാടനമാണ് എംഎല്എ നിര്വഹിച്ചത്.
പിഎംജിഎസ്വൈ റോഡുകള് ഉദ്ഘാടനം ചെയ്യേണ്ടത് എംപിമാരാണെന്നിരിക്കെ എംഎൽഎയുടെ നടപടി രാഷ്ട്രീയ പാപ്പരത്തമാണെന്ന് കോൺഗ്രസ് ആരോപിച്ചു.
അതേസമയം, വിവിധ പരിപാടികളിൽ പങ്കെടുക്കാൻ രാഹുൽ ഗാന്ധി എംപി കേരളത്തിലെത്തി. വ്യാഴാഴ്ച അദ്ദേഹം വയനാട്ടിലെത്തും.