ഭാസുരാംഗനു ജയിലിലുണ്ടായത് ഹൃദയാഘാതം; ഐസിയുവിൽ തുടരും
Sunday, November 26, 2023 10:18 PM IST
കൊച്ചി: കണ്ടല ബാങ്ക് തട്ടിപ്പ് കേസ് പ്രതി എൻ. ഭാസുരാംഗന് ജയിലിൽ വച്ചുണ്ടായത് ഹൃദയാഘാതമെന്ന് ഡോക്ടർമാർ. ഭാസുരാംഗൻ ഐസിയുവിൽ തന്നെ ചികിത്സയിൽ തുടരുമെന്നും അധികൃതർ അറിയിച്ചു.
കേസിൽ റിമാൻഡിലായിരുന്ന ഭാസുരാംഗന്റെ ആരോഗ്യനില എറണാകുളം ജയിലില് വച്ച് മോശമാവുകയായിരുന്നു.
നെഞ്ചുവേദനയെ തുടർന്നാണ് ഭാസുരാംഗനെ ആശുപത്രിയിലേക്ക് മാറ്റിയത്. എറണാകുളം ജനറല് ആശുപത്രിയിലാണ് ചികിത്സ തേടിയത്.