കുസാറ്റിലേക്ക് ആളുകൾ തള്ളിക്കയറിയത് അപകടമുണ്ടാക്കി; വിദ്യാർഥികളെ പുറത്തെത്തിച്ചു
Saturday, November 25, 2023 9:18 PM IST
കൊച്ചി: കുസാറ്റ് ഫെസ്റ്റിനിടെ ഓഡിറ്റോറിയത്തിൽ കുടുങ്ങിയ വിദ്യാർഥികളെ പുറത്തെത്തിച്ചു. പോലീസ് എത്തിയാണ് വിദ്യാർഥികളെ പുറത്തെത്തിച്ചത്. ഓഡിറ്റോറിയത്തിൽ നടന്ന ഗാനസന്ധ്യക്കിടെ ആളുകൾ തള്ളിക്കയറിയാണ് അപകടത്തിനു കാരണമാക്കിയത്.
തിക്കിലും തിരക്കിലും വിദ്യാര്ഥികള് ബോധംകെട്ടുവീണു. പ്രവേശന കവാടത്തിലാണ് തിരക്കുണ്ടായത്. പരിക്കേറ്റവ 64 പേരെ മെഡിക്കല് കോളജിലും കളമശേരിയിലെ സ്വകാര്യ ആശുപത്രിയിലുമായി പ്രവേശിപ്പിച്ചു.
മഴ പെയ്തപ്പോള് പുറത്തു നിന്നവർ ഓഡിറ്റോറിയത്തിലേക്ക് തള്ളിക്കയറുകയായിരുന്നു. ബോളിവുഡ് ഗായിക നിഖിത ഗാന്ധിയുടെ ഗാനമേളയായിരുന്നു നടന്നത്.