മീ​ന​ടം: കോ​ട്ട​യം മീ​ന​ടം നെ​ടും​പൊ​യ്ക​യി​ൽ ഗൃ​ഹ​നാ​ഥ​നെ​യും മ​ക​നെ​യും മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ആ​ത്മ​ഹ​ത്യാ കു​റി​പ്പ് വെ​ളി​യി​ൽ വ​ന്നു.

വാ​യ്പ​യെ​ടു​ത്തു വാ​ങ്ങി​യ ഫോ​ണി​ന്‍റെ കു​ടി​ശി​ക മു​ട​ങ്ങി​യ​തി​നെ​ത്തു​ട​ർ​ന്ന് സ്വ​കാ​ര്യ ക​ന്പ​നി ജീ​വ​ന​ക്കാ​ർ തു​ട​ർ​ച്ച​യാ​യി ശ​ല്യം ചെ​യ്തു​വെ​ന്നും, ശ​ല്യം സ​ഹി​ക്കാ​ൻ ക​ഴി​യാ​തെ വ​ന്ന​തോ​ടെ ജീ​വ​നൊ​ടു​ക്കു​ക​യാ​യി​രു​ന്നു​വെ​ന്നും കു​റി​പ്പി​ലു​ണ്ടെ​ന്നാ​ണ് പോ​ലീ​സ് ന​ൽ​കു​ന്ന വി​വ​രം.

മീ​ന​ടം വ​ട്ടു​ക​ള​ത്തി​ൽ ബി​നു (48), മ​ക​ൻ ബി.​ശി​വ​ഹ​രി (9) എ​ന്നി​വ​രെ​യാ​ണ് ഇ​ന്ന​ലെ രാ​വി​ലെ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മ​ക​നെ കൊ​ല​പ്പെ​ടു​ത്തി​യ​ശേ​ഷം ബി​നു ജീ​വ​നൊ​ടു​ക്കി​യ​താ​ണെ​ന്നു പോ​ലീ​സ് അ​റി​യി​ച്ചു.

ആ​ലാം​പ​ള്ളി പി​വി​എ​സ് ഗ​വ. ഹൈ​സ്കൂ​ളി​ലെ മൂ​ന്നാം ക്ലാ​സ് വി​ദ്യാ​ർ​ഥി​യാ​ണു ശി​വ​ഹ​രി. ഇ​ന്ന​ലെ രാ​വി​ലെ ആ​റി​നു വീ​ട്ടി​ൽ​നി​ന്നു ന​ട​ക്കാ​നി​റ​ങ്ങി​യ​താ​ണു ബി​നു​വും ശി​വ​ഹ​രി​യും.

ഇ​വ​രു​ടെ വീ​ട്ടി​ൽ​നി​ന്ന് 250 മീ​റ്റ​ർ മാ​റി ആ​ൾ​ത്താ​മ​സ​മി​ല്ലാ​ത്ത മ​റ്റൊ​രു വീ​ടു​ണ്ട്. അ​തി​ന്‍റെ വി​റ​കു​പു​ര​യി​ലാ​ണ് ഇ​രു​വ​രെ​യും മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. പെ​രു​മ്പാ​വൂ​ർ സ്വ​ദേ​ശി​യു​ടേ​താ​ണു വീ​ട്. ഈ ​വീ​ട് നോ​ക്കാ​നേ​ൽ​പി​ച്ചി​രു​ന്ന പ്ര​ദേ​ശ​വാ​സി രാ​വി​ലെ എ​ട്ടി​ന് എ​ത്തി​യ​പ്പോ​ഴാ​ണു മൃ​ത​ദേ​ഹ​ങ്ങ​ൾ ക​ണ്ട​ത്. രേ​ഖ​യാ​ണ് ബി​നു​വി​ന്‍റെ ഭാ​ര്യ. ഒ​രു മ​ക​ളു​മു​ണ്ട്.