ന്യൂ​ഡ​ൽ​ഹി: രാജ്യത്ത് ക​ഴി​ഞ്ഞ ഒ​രു വ​ർ​ഷ​ത്തി​നി​ടെ ജോ​ലി​ക്കി​ടെ 188 പോ​ലീ​സു​കാ​ർ​ക്ക് ജീ​വ​ൻ​ന​ഷ്ട​മാ​യെ​ന്ന് കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്ഷാ. ര​ക്ത​സാ​ക്ഷി​ക​ളു​ടെ കു​ടും​ബ​ങ്ങ​ളു​ടെ ത്യാ​ഗം രാ​ജ്യം ഒ​രി​ക്ക​ലും മ​റ​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു.

2022 സെ​പ്റ്റം​ബ​ർ ഒ​ന്ന് മു​ത​ൽ 2023 ഓ​ഗ​സ്റ്റ് 31 വ​രെ, 188 പോ​ലീ​സു​കാ​രാ​ണ് രാ​ജ്യ​ത്തെ ക്ര​മ​സ​മാ​ധാ​ന സു​ര​ക്ഷ​യും പ​രി​പാ​ല​ന​വും ഉ​റ​പ്പാ​ക്കാ​ൻ ഡ്യൂ​ട്ടി​ക്കി​ടെ പ​ര​മോ​ന്ന​ത ത്യാ​ഗം ചെ​യ്ത​ത്.-​ഡ​ൽ​ഹി​യി​ലെ ദേ​ശീ​യ പോ​ലീ​സ് സ്മാ​ര​ക​ത്തി​ൽ പോ​ലീ​സ് അ​നു​സ്മ​ര​ണ ദി​ന​ത്തി​ൽ സൈ​നി​ക​ർ​ക്ക് ആ​ദ​രാ​ഞ്ജ​ലി അ​ർ​പ്പി​ച്ച ശേ​ഷം അ​ദ്ദേ​ഹം പ​റ​ഞ്ഞു.

പോ​ലീ​സ് എ​ന്ന​ത് ഏ​റ്റ​വും ക​ഠി​ന​മാ​യ ജോ​ലി​യാ​ണ്. അ​ത് പ​ക​ലോ രാ​ത്രി​യോ, ശൈ​ത്യ​കാ​ല​മോ വേ​ന​ൽ​ക്കാ​ല​മോ, ഉ​ത്സ​വ​മോ സാ​ധാ​ര​ണ ദി​വ​സ​മോ ആ​ക​ട്ടെ, പോ​ലീ​സു​കാ​ർ​ക്ക് അ​വ​രു​ടെ കു​ടും​ബ​ത്തോ​ടൊ​പ്പം ഉ​ത്സ​വ​ങ്ങ​ൾ ആ​ഘോ​ഷി​ക്കാ​ൻ അ​വ​സ​രം ല​ഭി​ക്കു​ന്നി​ല്ല.

സ്വാ​ത​ന്ത്ര്യ​ത്തി​നു ശേ​ഷം രാ​ഷ്ട്ര​ത്തെ സേ​വി​ക്കു​ന്ന​തി​നി​ട​യി​ൽ ജീ​വ​ൻ ബ​ലി​യ​ർ​പ്പി​ച്ച 36,250 പോ​ലീ​സു​കാ​ർ​ക്ക് ആ​ദ​രാ​ഞ്ജ​ലി​ക​ൾ അ​ർ​പ്പി​ച്ച ഷാ, ​പോ​ലീ​സ് സ്മാ​ര​കം കേ​വ​ലം പ്ര​തീ​കാ​ത്മ​ക​മ​ല്ലെ​ന്നും രാ​ഷ്ട്ര​നി​ർ​മാ​ണ​ത്തി​നാ​യു​ള്ള പോ​ലീ​സ് ഉ​ദ്യോ​ഗ​സ്ഥ​രു​ടെ ത്യാ​ഗ​ത്തി​ന്‍റെ​യും സ​മ​ർ​പ്പ​ണ​ത്തി​ന്‍റെ​യും അം​ഗീ​കാ​ര​മാ​ണെ​ന്നും ഷാ ​പ​റ​ഞ്ഞു.

പോ​ലീ​സ് ഉ​ദ്യോ​ഗ​സ്ഥ​രു​ടെ​യും അ​വ​രു​ടെ കു​ടും​ബാം​ഗ​ങ്ങ​ളു​ടെ​യും ക്ഷേ​മ​ത്തി​ന് സ​ർ​ക്കാ​ർ പൂ​ർ​ണ പ്ര​തി​ജ്ഞാ​ബ​ദ്ധ​മാ​ണ്. എ​ല്ലാ ജീ​വ​ന​ക്കാ​രു​ടെ​യും ക്ഷേ​മ​ത്തി​നാ​യി സ​ർ​ക്കാ​ർ പ്ര​തി​ജ്ഞാ​ബ​ദ്ധ​മാ​ണെ​ന്നും അ​വ​രു​ടെ സു​ര​ക്ഷ​യി​ൽ ആ​ശ​ങ്ക​യു​ണ്ടെ​ന്നും അ​ദ്ദേ​ഹം പ​റ​ഞ്ഞു.

1959 ഒ​ക്ടോ​ബ​ർ 21 ന് ​ല​ഡാ​ക്കി​ലെ ഹോ​ട്ട് സ്പ്രിം​ഗ്സി​ൽ വ​ൻ ആ​യു​ധ​ധാ​രി​ക​ളാ​യ ചൈ​നീ​സ് സൈ​ന്യം ന​ട​ത്തി​യ ആ​ക്ര​മ​ണ​ത്തി​ൽ 10 പോ​ലീ​സു​കാ​ർ ഡ്യൂ​ട്ടി​ക്കി​ടെ മ​രി​ച്ചു. അ​തി​നു​ശേ​ഷം, എ​ല്ലാ വ​ർ​ഷ​വും ഒ​ക്ടോ​ബ​ർ 21 ഈ ​ര​ക്ത​സാ​ക്ഷി​ക​ളെ​യും ഡ്യൂ​ട്ടി​ക്കി​ടെ മ​ര​ണ​മ​ട​ഞ്ഞ മ​റ്റെ​ല്ലാ പോ​ലീ​സ് ഉ​ദ്യോ​ഗ​സ്ഥ​രെ​യും ആ​ദ​രി​ക്കു​ന്ന​തി​നാ​യി ആ​ച​രി​ക്കു​ന്നു.