ന്യൂ​ഡ​ല്‍​ഹി: ഇ​സ്ര​യേ​ല്‍-​ഹ​മാ​സ് സം​ഘ​ര്‍​ഷം കൊ​ടു​മ്പി​രി കൊ​ണ്ടി​രി​ക്കുന്ന വേളയിൽ ഇ​സ്ര​യേ​ലി​നെ​തി​രേ വി​ദ്വേ​ഷ പ​രാ​മ​ര്‍​ശം ന​ട​ത്തി​യ ജീ​വ​ന​ക്കാ​രി​യെ ജോ​ലി​യി​ല്‍ നി​ന്ന് പു​റ​ത്താ​ക്കി സി​റ്റി​ബാ​ങ്ക്.

ന്യൂ​യോ​ർ​ക്കി​ലെ വാ​ൾ​സ്ട്രീ​റ്റ് ബാ​ങ്കി​ലെ ജീ​വ​ന​ക്കാ​രി​യാ​യി​രു​ന്ന നോ​സി​മ ഹു​സൈ​നോ​വ(25) എ​ന്ന യു​വ​തി​യാ​ണ് ഇ​സ്ര​യേ​ല്‍-​ഹ​മാ​സ് വി​ഷ​യ​ത്തി​ല്‍ ഹി​റ്റ്‌​ല​ര്‍ ജൂ​ത​ര്‍​ക്കെ​തി​രേ ന​ട​ത്തി​യ കൂ​ട്ട​ക്കൊ​ല​യെ പു​ക​ഴ്ത്തി ഇ​ൻ​സ്റ്റ​ഗ്രാ​മി​ൽ പോ​സ്റ്റി​ട്ട​ത്.

''എ​ന്തു​കൊ​ണ്ട് ഹി​റ്റ്‌​ല​ര്‍ ജൂ​ത​രെ​യെ​ല്ലാം ഭൂ​മി​യി​ല്‍ നി​ന്ന് തു​ട​ച്ചു നീ​ക്കാ​നാ​ഗ്ര​ഹി​ച്ചു എ​ന്ന​തി​ല്‍ അ​ദ്ഭു​തം തോ​ന്നു​ന്നി​ല്ല'' എ​ന്നാ​യി​രു​ന്നു ഹു​സൈ​നോ​വ​യു​ടെ വി​ദ്വേ​ഷ പ്ര​സ്താ​വ​ന.

സ്‌​റ്റോ​പ്പ് ആ​ന്‍റി​സെ​മി​റ്റി​സം എ​ന്ന എ​ക്‌​സ് അ​ക്കൗ​ണ്ടി​ല്‍ ഹു​സൈ​നോ​വ​യു​ടെ പ്ര​സ്താ​വ​ന​യു​ടെ സ്‌​ക്രീ​ന്‍​ഷോ​ട്ട് പ​ങ്കു​വ​യ്ക്ക​പ്പെ​ട്ട​തോ​ടെ ഇ​വ​ര്‍​ക്കെ​തി​രേ വ​ന്‍ പ്ര​തി​ഷേ​ധ​മു​യ​രു​ക​യാ​യി​രു​ന്നു.

വി​ദ്വേ​ഷ പ്ര​സ്താ​വ​ന ച​ർ​ച്ച​യാ​യ​പ്പോ​ൾ ത​ന്നെ വാ​ൾ സ്ട്രീ​റ്റ് ബാ​ങ്കി​ന്‍റെ മാ​തൃ​സ്ഥാ​പ​ന​മാ​യ സി​റ്റി​ബാ​ങ്ക് യു​വ​തി​ക്കെ​തി​രേ ന​ട​പ​ടി​യെ​ടു​ക്കു​മെ​ന്ന് വ്യ​ക്ത​മാ​ക്കി രം​ഗ​ത്തെ​ത്തി​യി​രു​ന്നു.

യ​ഹൂ​ദ​വി​രു​ദ്ധ​ത​യെ​യും മ​റ്റു വി​ദ്വേ​ഷ​ങ്ങ​ളെ​യും ഒ​രു വി​ധ​ത്തി​ലും പൊ​റു​ക്കി​ല്ലെ​ന്ന വ്യ​ക്ത​മാ​ക്കി​യ സി​റ്റി​ഗ്രൂ​പ്പ്, ഹു​സൈ​നോ​വ​യെ പു​റ​ത്താ​ക്കി​യ​താ​യി പി​ന്നീ​ട് അ​റി​യി​ക്കു​ക​യാ​യി​രു​ന്നു.

വി​ദ്വേ​ഷം പ്ര​ച​രി​പ്പി​ച്ച ജീ​വ​ന​ക്കാ​രി​ക്കു നേ​രെ ന​ട​പ​ടി​യെ​ടു​ത്ത​തി​ല്‍ സ്റ്റോ​പ്പ് ആ​ന്‍റി​സെ​മി​റ്റി​സം ഗ്രൂ​പ്പ് ബാ​ങ്കി​ന് ന​ന്ദി​യ​റി​യി​ക്കു​ക​യും ചെ​യ്തു. ഇ​വ​രെ​ക്കൂ​ടാ​തെ നി​ര​വ​ധി എ​ക്‌​സ് ഉ​പ​യോ​ക്താ​ക്ക​ളും ഇ​ക്കാ​ര്യ​ത്തി​ല്‍ ബാ​ങ്കി​നെ അ​ഭി​ന​ന്ദി​ച്ചു.